Descripcion

E palabra "retiro" (retreat, eng. / retraite, ned.) ta nifica un espacio di solitud, kietud of un experiencia pa pa reflexiona. Den su forma basico, un retiro ta caracterisa pa un tempo fiho (ta varia entre un paar di ora te cu ful un luna) cu ta saca bo di bo rutina di bida diario cu e proposito pa reconecta bo cu bo ser interno pa un variedad di rason. Esaki por ta e.o. pa desaroyo spiritual**, pa studia of pa tuma un momento di solitud.

Un retiro ta representa un biahe intero, unda bo ta bay bek na bo curason pa haci un inventario, pa duna perspectiva y pa busca locual cu realmente ta importante den bo bida.

Na Moreu Facilitation & Healing Center, nos tin un facilidad amplio (localisa den un area keto y trankilo) unda bo por retira. Den un mundo cu no ta para keto, e unico cos cu bo kier awendia ta un momento pa haya bo mes atrobe, un momento di transformacion, kietud pa e curpa y alma, of descansa y reflexiona pa reconecta dinobo cu bo alma.

Pa kende e pakete aki ta?

Retiro pa empleado

Nos ta e prome y unico compania na Aruba cu ta ofrece retiro pa empleado. Nos a crea e retiro aki como un solucion unico y creativo pa crea un ekipo cu ta yuda otro y ta logra exito pa bo compania. E concepto aki ta un variacion flexibel na e training tradicional di compania cu ya caba ta existi.

Na Moreu Facilitation & Healing Center, e ta nos deber pa yuda bo desaroya tur bo empleadonan na un manera positivo. Esaki ta refleha den nos identidad: e nomber "Facilitation" (facilitacion, pap.) ta encera duna informacion riba varios topico di liderazgo positivo. Encuanto e palabra "Healing" (sanacion, pap.), e ta duna cada empleado e oportunidad durante nos sesionnan di energia pa reenergetisa e curpa y duna un boost di motivacion pa mehora comunicacion.

Combinando training y sanacion, bo compania ta atende cu e dos areanan di mas problematico cu ta presenta nan mes den e area di trabou: mehora excelencia personal y kita stress, tanto fisico como mental.

E beneficionan ta inclui un cambio positivo den comportacion pa mas motivcaion den bida. Mas ainda, e compania ta disfruta di un mehoracion den eficiencia y productividad na trabou. E cambionan positivo aki ta wordo refleha den cada empleado, cu cada decision y cu cada accion cu nan ta tuma, sea ta paden of pafo di e compania.

Ta inclui:

Un programa di ful dia (entre 4-6 ora) ta inclui:

1 sesion di Innercise®: bo por scoge entre Simply Stretches, Mindful Movements of Walking Meditation

1 training di grupo cu un topico specifico relaciona na e ekipo, e.o. alma di ekipo, creando sinergia y liderazgo positivo.

1 of 2 sesion cu energia universal humano. Bo por scoge entre: Jin Shin Jyutsu, Baño di Calor Seco, Reflexologia di Pia, Detox di Pia, Watsu of Detox pa Ful Curpa.

Un cuminda light (opcion Vegetariano of Vegan ta riba peticion special).

Actividadnan inclui:

Relahacion flotando den nos pool y jacuzzi energetisa.

Ta exclui:

Si abo (y/of bo grupo) ta localisa den exterior, e pakete aki ta exclui lo siguiente:

Pasashi y seguro di biahe, Estadia, Servicio di taxi.

Cualkier otro sesion cu energia universal humano di nos menu di servicio (sin previo aviso).

Add-on opcional:

Personalisa bo retiro di grupo door di scoge for di e siguiente opcionnan:

Desayuno chikito (opcion Vegetariano of Vegan ta riba peticion special).

1 sesion di Innercise®: bo por scoge entre Falun Dafa, Mindful Movements of Walking Meditation

Un sesion di 2 ora pa studia y dialoga topiconan relaciona cu e.o. filosofia spiritual**, servicio cu curason, trabou den ekipo y liderazgo ta tur hende su asunto.

Meditacion den naturalesa (solamente durante orario di 6:30am pa 8:30am)

Spiritual Island Tour® (solamente durante orario di 6:30am pa 8:30am)

Un espacio pa haci reunionan di ekipo.

Recomendacion

Tuma contacto cu nos oficina pa asina nos por yuda bo planea bo retiro di compania ideal pa bo coleganan of empleadonan.

 

 

** Aviso: Na Moreu Facilitation & Healing Center, nos ta consciente cu 'spiritualidad' ta completamente diferente cu 'religion'. E concepto di spiritualidad, cual nos ta di acuerdo cu ne ta ora bo bira consciente cu bo ta forma parti di algo mas grandi, bo ta conecta cu otronan y tur locual bo ta sinti, pensa y haci ta afecta tur otro sernan humano.