Belquis R. Moreu
Directora di Moreu Facilitation & Healing Center
Presidente di Mankind Enlightenment Love (M.E.L.) Aruba
Belquis a crea e concepto unico aki di un combinacion di desaroyo personal, training y programa di sanacion pa mas cu 20 aña caba. E idea aki a cuminsa despues di e realisacion cu pa bo por tin un cambio completo di mentalidad, bo mester atende cu tanto e alma y e curpa di e persona.
Naci na Aruba, Belquis a cuminsa su carera profesional den hospitalidad cu Holiday Inn na Merca atraves di un programa di training pa maneho despues di a logra su diploma di Bachelor den Ciencia di Hotel y Maneho di Restaurant na e Universidad Internacional di Florida. Despues di a bin bek Aruba, e la traha na Holiday Inn como Manager di Front Office y despues como Directora di Training pa e regionnan di Aruba, Caribe y Latino America. Belquis tambe a traha como Manager di Reservacion na La Cabana Resort Aruba.
Unabes cu e la realisa cu e tabata kier a cuminsa su mesun negoshi, e la tuma e desicion di laga e seguridad di trabou cu e tabata aden y a cuminsa cu su mesun negoshi cu un concepto unico, fundando asina Moreu Facilitation & Healing Center. Den e mesun periodo aki, e la wordo apunta door di e fundado, Sr. Luong Minh Dang, pa ta e Directora Principal na Aruba di e scol di Energia Universal Humano®. Esaki a haci'e e unico representante di e scol aki riba nos isla. Cu e autorisacion aki den man, e la cuminsa riba su mes sin ningun garanta financiero ams di 20 aña pasa. Belquis ta un facilitador, trainer di compania, speaker di motivacion y ta haci sesion di sanacion cu ta aplica locual e ta siña otronan. E la train personanan den e arena di aerolinea, politica, area medico, educacional y institutonan financiero com tambe otro companianan den varios area. Belquis tabata tin su mesun programa di television pa mas di 5 aña y su mesun programa local di radio pa mas cu 10 aña. Su prome programa di radio tabata yama Chat cu Mente Positivo y e tabata inspira pa inicia un cambio completo di e mentalidad riba nos isla den uno mas positivo. Despues di tur esaki, Belquis tambe tabata tin programanan radial tur mainta di Happiness & Luck, Feliz Dia y Creando Dicha, pa duna nos comunidad un opcion pa cuminsa nan dia den un forma positivo. Tambe, su trabou na television a encera ta un presentadora na e programa di Nos Mainta unda e la dedica su mes pa informa, educa y motiva nos comunidad local.
Durante su experiencia di training den e industria hotelero, Belquis a tuma nota cu maske tur locual tabata wordo haci, e informacion cu hende tabata haya no tabata haci un diferencia permanente den nan bida. Esaki dimes a cuminsa su trajectoria, su buskeda pa haya sa kico realmente nos tin mester pa yuda hende cambia nan mentalidad di berdad.
E trajectoria aki a cuminsa na 1994 y ainda ta den continuacion. Durante su buskeda, e la tuma lesnan di Feng Shui, Aromaterapia y Cristaloterapia, e la bira un Master den Reiki, un Master den NLP y a bay tambe pa siña varios practicanan di medicina alternativo. Esun cu mas a yama su atencion ta Energia Universal Humano®. Cu EUH, e la biaha na varios pais pa continua e nivelnan di e enseñansa aki. E la biaha pa Australia, Italia, Tailandia, Belgica, Suiza, Venezuela y Merca. Algun di e paisnan aki unda Belquis mester a biaha mas di un biaha pa continua e nivelnan di Energia Universal Humano®.
Energia Universal Humano® ta un practica cu ta siña bo un tecnica di meditacion practico cu ta yuda bo compronde spiritualidad. E scol ta un manera holistico pa por atende cu e demandanan di nos bida diario. E ta yuda nos sanea e alma y curpa y e ta yuda nos sanea e planeta y humanidad completo.
Moreu Facilitation & Healing Center ta ofrece servicionan segun e necesidad di hende, pa nan compronde nan mes y asina nan por saca e miho di bida. Un individuo cu training den desaroyo personal y spiritual, den un atmosfera relaga, por compronde su proposito di bida y biba nan bida cu plenitud. Na Moreu Facilitation & Healing Center, sesionnan di sanacion cu energia spiritual ta wordo ofreci pa tanto curpa como e alma.
Belquis ta hopi orguyoso pa bisa cu durante e 20 añanan (...y contando), e la depende completamente riba un boca cu ta bisa otro pa mantene e centro den funcion. Esey ta pa mustra cu e satisfaccion entre su clientenan ta hopi halto.
Ultimo update: Augustus 2022