"Nos mision ta pa sanea tur hende, luga y situacion uzando energia universal humano."
Bonbini na e prome y unico centro di energia universal humano na Aruba! Moreu Facilitation and Healing Center ta celebrando mas di 20 aña di training pa desaroyo individual y pa compania, sesionnan di felicidad y facilitacion spiritual, sesionnan di sanacion cu energia universal humano y retiro pa gruponan. Tambe, nos a expande nos servicionan pa inclui un Spiritual Island Tour® cu ta inclui un bishita na varios areanan sagrado cu ta promove serenidad.
Tocante Moreu Facilitationand Healing Center
Cu su inauguracion oficial pa cliente desde 9 di september 1999 pa 9:09 di mainta, nos a desaroya un modelo unico door di studia, investiga y desaroya un combinacion perfecto di servicionan pa redefini y mantene e concepto basico di bienestar. Na Moreu Facilitation and Healing Center, nos ta aplica Energia Universal Humano® como e fundeshi di tur nos servicionan y projectonan. Manera ta refleha den nos identidad, facilitacion ("Facilitation") y sanacion ("Healing") ta bini hunto pa permiti cada individuo pa yega na felicidad cu un estilo di bida yena cu energia Divino.
Programa di training pa Felicidad
Nos programa tin un proceso di desaroyo cu ta consisti di sesionnan di training 1-on-1 cu un facilitador. Bo ta siña con pa concentra y enfoca bo mente directamente riba creando pensamentonan positivo y maneha bo emocionnan efectivamente. E programa aki ta empodera bo cu instrumentonan pa desaroya tur apecto di bo bienestar pa asina bo por ta saludabel y feliz den bida. E resultado ta inclui un miho comprendemento di bo beinestar en general, cu ta inclui salud mental-emocional, fisico, y social-spiritual.
Tur e tips, instrumento y tecnicanan cu abo ta siña durante e proceso aki ta pa bo bira mas sabi den desaroya bo habilidadnan humano y spiritual di paden bay pafo door di concentracion y meditacion. E programa aki ta principalmente pa adulto; tin un version adapta specialmente pa mucha y hoben entre 9 cu 16 aña.
Nos programa di training tambe ta inclui charla den grupo na scol, organisacionnan y training pa compania.
Sesionnan di Sanacion cu Energia Spiritual
Nos seleccion varia cu sesionnan di sanacion cu energia spiritual ta enfoca riba e curpa y alma. Nos ta ofrece un sesionnan practico di sanacion pa detox e curpa den e manera mas natural posibel (usando principalmente awa lau/cayente carga cu energia pa yuda boost e proceso natural di detoxificacion di bo curpa) mientras bo ta combina esaki cu relahacion pa libera e stress diario (atraves di visualisacion of meditacion). E resultado ta e restauracion di e fluho di energia paden di bo curpa y ta reenforsa e alma pa un comienso nobo di un estilo di bida positivo.
Nos sesionnan di energia Divino ta inclui programanan personalisa di retiro personal, pa pareha of pa empleadonan.
Energia Universal Humano®
Moreu Facilitation & Healing Center, atraves di Fundacion M.E.L. Aruba, ta e partner oficial y representador autorisa cu 2 facilitador certifica den e enseñansa autentico di Energia Universal Humano® na Aruba. E enseñansa di EUH ta ofrece un programa educacional enfoca riba meditacion, tecnica pa tranferencia di energia y filosofia spiritual pa yuda bo mes y pa yuda otro hende. Nos tin un faclitador autorisa pa duna te cu nivel 04-HUE y tin un facilitador cu e autorisacion pa duna nivel 01-HUE te cu nivel 08-HUE den e programa, haciendo e educacion spiritual hopi accesibel na Aruba, pa ambos hendenan local y nos bishitante internacional.
Mente Positivo
Na aña 2007, nos a lansa nos marca "Mente Positivo". E ta locual nos ta mas reconoci pe, y tambe e topico prinicpal di nos charlanan di motivacion, training y con nos ta presenta nos mes den e comunidad. Nos a hiba e marca aki tambe den produccion di programanan local di television, presentando programanan di radio tur mainta y tambe pa mercadea productonan. Tur esaki tabata parti di nos participacion social, cu e meta principal pa uza e diferente medionan pa educa nos comunidad na con pa cultiva un estilo di bida positivo.
Ultimo update: September 2022