Scoge pa cuminsa bo mainta diferente y yena bo hogar, bo auto of bo area di trabou cu dicha, inspiracion, motivacion y pensamentonan positivo. Algun di e inspiracion pa topico ta bin di hende cu a contribui nan sabiduria pa eleva e nivel di consenshi na mundo henter, e.o. Padú Lampe (di Aruba), Luong Minh Dang, Desmond Tutu, Dalai Lama, Thich Nhat Hanh, Norman Vincent Peale, Rumi Balkhi, Gregg Braden, Bruce Lipton, Krishnamurti y mucho mas.

E programacion di e “Radio Positivo” ta coaching di desaroyo personal den aire. Esaki ta mas tanto den duna guia na nos oyente pa nan por haya nan proposito di bida y ken e ta di berdad.

Durante e temporada aki, e enfoke ta riba crea dicha pa otronan, y asina bo ta crea pa bo mes tambe. Nos oyentenan ta wordo encurasha pa participa activamente door di comparti tur locual nan ta catch bon den nan bida diario, contesta algun pregunta pa auto-reflexion, y haci pregunta. Adicionalmente nos tin un palabra positivo di siman, y mucho mas.