Moreu Facilitation & Healing Center ta specialisa den desaroya y coach hende na biba felicidad berdadero cu un sonrisa sincero riba nan cara.

Pa por logra e meta aki, nos a crea e programa di Felicidad y Bienestar. E proceso aki ta consisti di un serie di sesion di Desaroyo 1-on-1 (training personalisa) pa adultonan 18+. Cada sesion ta enfoca riba siña bo con pa concentra y dirigi bo mente pa crea pensamentonan positivo y con pa maneha bo emocionnan eficientemente.

Un version special di e programa di Felicidad y Bienestar a wordo crea pa coach muchanan (9-11 aña), formacion di hobennan (12-17 aña) y tambe pa pareha.

Ki tipo di proceso di desaroyo nos ta ofrece?

Nos proceso di desaroyo ta inclui e crecemento gradual basa riba un serie di accionan positivo cual ta wordo practica y aplica pa logra un resultado particular. Den e caso aki, e resultado ta un mente calmo, un mente positivo, desaroyo mental y spiritual.

Kico ta e beneficionan di e Desaroyo 1-on-1?

E beneficionan di mas importante ta lo siguiente:

  • Desaroyo: bo ta bira e miho version di bo mes den cada momento pasobra bo ta cambiando bo manera di sinti y pensa.
  • Maneho di pensamento: bo ta haci esaki door di siña kico pensamento ta realmente y con pa cambia bo realidad atraves di cambia e frecuencia di bo pensamentonan.
  • Sabiduria: bo ta bira consciente di unda bo pensamentonan ta bini, kico nan ta consisti di dje y con pa cambia e esencia di locual nan ta consisti di dje.
  • Paz mental: bo ta cultiva paz interno pa mantene bo mes calmo den cada situacion.
  • Actitud positivo: bo ta cultiva un actitud positivo door di enfoca riba e parti bon di otronan. 

Kico tur bo ta siña durante un sesion di desaroyo? 

Bo ta siña cambia bo realidad door di cambia e frecuencia di bo mente.

Bo ta siña cu tur bo situacionnan no ta externo, pero interno y unda precies pa haya y cambia nan.

Bo ta siña con pa genera e energia positivo electromagnetico pa bo tin e habilidad pa impacta bo ambiente na un forma positivo.

Bo ta siña con pa cambia e vibracion den cada momento pa cambia e realidad den bo relacionnan, na trabou, na cas cu bo famia, etc.

Con bo ta transforma atraves di e programa aki?

Bo ta sinti feliz for di paden bay pafo (bo ta radia), bo tin paz mental, bo tin un actitud postivo. Mas ainda, bo ta sinti confiansa den bo mes, bo tin un sentido di logro y exito. Bo ta determina pa sinti e Amor di Berdad cu otronan y unda cu bo bay.

Kende tur por beneficia di e proceso di training aki?

Tur persona cu kier ta buscando nan proposito den bida y kier evoluciona y crece spiritualmente. 

Recomendacion

Bo ta wordo altamente recomenda pa uni bo mes na e programa di Energia Universal Humano® pa por continua bo proceso di evolucion pa sabiduria y iluminacion.