Nivel 1: Basico
01-HUE
E metodo y practica di Energia Universal Humano®
E curso aki ta consisti di 5 module: 1-3, 4 y 5
Den e curso aki bo ta siña tocante e funcionnan y e localidadnan central di e centronan di energia primario (chakras) situa den bo curpa. Bo ta siña tambe un ehercicio di meditacion basico. Tur e conceptonan comparti durante e nivel aki ta wordo uza na un manera di splica kico ta Energia Universal Humano® y ta yuda bo bira consciente di e efectonan sutil di Energia Universal Humano® tin riba bo bienestar. Despues di e alineacion di bo chakras, bo lo tin e habilidad pa genera Energia Universal Humano®, combina y mantene energia den bo curpa y transferi e energia bio-electrico uzando bo mannan pa mehora e bienestar fisico como tambe e bienestar mental, emocional y spiritual di bo mes y pa otronan. E conceptonan basico aki cu bo ta siña ta wordo integra facilmente den bo bida diario. Esaki ta yuda bo stabilisa y recupera e estado di balans di bo curpa y alma, yudando bo pa ta saludabel, feliz y desaroya spiritualidad.
Rekisito: pa por continua cu e siguiente nivel, bo mester a completa tur e curso(nan) di e nivel anterior.
Nivel 2: Intermedio
02-HUE:
Seminario Special di Chakra 6
E curso aki ta consisti di 3 module: 5.1, 5.2 y 6
Despues di completa e curso aki, bo ta siña con pa transferi energia riba distancia sin tin cu pone man riba curpa di un persona pa manda energia. Bo ta siña, uzando instrumentonan special den e nivelnan aki, e tecnica di concentracion y percepcion, cual ta duna bo e habilidad di cuminsa uza e transferencia di energia na distancia. Bo tin e capacidad pa mehora e bienestar di un persona of di un situacion pa ful e mundo. Mas ainda, bo ta ricibi informacion tocante e historia spiritual di e enseñansa aki.
03-HUE:
Seminario di N7 y 7 Special
E curso aki ta consisti di 2 module: 7 y 7+
Durante e curso aki, bo ta siña uzando instrumentonan special den e nivel aki, e tecnicanan di concentracion y e Reso Special pa crea un mente calmo. Bo ta ricibi un frecuencia di energia Divino mas halto pa por haci e transferencianan di energia mas efectivo y eficiente pa por yuda tanto e mundo material como e mundo spiritual den paralelo. Transferencia di energia ta wordo haci riba distancia pa mehora e bienestar na nivel mundial. Adicionalmente, bo ta haya mas comprondemento filosofico di spiritualidad segun e enseñansa di EUH.
Rekisito: pa por continua cu e siguiente nivel, bo mester a completa tur e curso(nan) di e nivel anterior.
Nivel 3: Avansa
04-HUE:
Desaroyo di Habilidadnan Latente Humano
E curso aki ta consisti di 3 module: 11-12 y 13
Den e curso aki, bo ta siña desaroya bo habilidadnan latente. Tambe, bo ta siña tocante e celebronan suplementario y nan influencia riba e celebro primario. Mas ainda, bo ta siña tocante kico ta afecta e celebro humano y bo ta siña transnforma e influencia di e 2 celebronan suplementario aki, cual ta origina for di e influencia di tur e almanan di e celnan di nos curpa.
05-HUE:
Celebro di e Homber Prehistorico
E curso aki ta consisti di 2 module: 13+ y 13++
Den e curso aki, bo ta siña tocante e Celebro di e Homber Primario (no ta relaciona na e Neandertalnan, mas relaciona cu lo Divino). Bo ta siña tambe con pa uza e Celebro Divino aki pa mehora nos bida diario. Tambe, bo ta siña tocante e celebronan suplementario y nan influencia riba e celebro primario. E celebro di e Homber Primario direpiente ta cambia bo mesun naturalesa; bo lo ta consciente di e cambio aki; e transformacion aki lo ta paden di bo mes.
Rekisito: pa por continua cu e siguiente nivel, bo mester a completa tur e curso(nan) di e nivel anterior.
Nivel 4: Specialisa
06-HUE:
Seminario di Filosofia Oriental
E curso aki ta consisti di 3 module: 16, 17 y 18
E curso aki ta un introduccion pa bo siña con pa transforma bo curpa den un curpa energetico. Tambe, den e curso aki bo ta wordo introduci na e diferencia entre transferi energia y fusiona. Nos ta elabora mas riba topiconan manera psicologia y spiritualidad, bida y morto, tocante e Dios-hendenan, con pa conecta pa ricibi e guia Divino y con pa biba segun e boluntad di Dios. Studiantenan ta siña un tecnica avansa di meditacion y concentracion pa asina nan por cuminsa fusiona pa yuda otronan rond mundo. Na e nivel aki bo ta siña tambe un tecnica special na con pa energetisa awa pa proposito di sanea.
07-HUE:
Aplicando Ciencia Spiritual I
E curso aki ta consisti di 1 module: 19
Module 19 den e serie di curso di HUE, ta un curso unda bo ta siña e efectonan di consciencia riba e curpa fisico. Mas ainda, enfasis ta wordo poni riba e importancia di e "Abo di Berdad" y e "Amor di Berdad". Cu otro palabra, bo ta siña mas tocante e "Amor 101". Esaki ta e manera pa stima ful humanidad na un manera practico. Bo ta siña kico e ego ta y con pa transforma e diferente nivelnan di frecuencia den e ego. Studiantenan ta continua na siña con pa desaroya nan habilidadnan pa fusiona pa yuda otronan pa sanacion.
08-HUE:
Aplicando Ciencia Spiritual II
E curso aki ta consisti di 1 module: 20
Den module 20 di e curso aki, bo ta siña con pa transforma bo curpa completamente den un curpa energetico pa asina e por yuda bo a tin e oportunidad pa fusiona den bo mes y den otro hende sin limite. Den e nivel aki, bo por haci uzo di e energia Divino pa soluciona tur impase na mundo. Bo ta haci uzo di un tecnica special pa yuda bo curpa elimina tur toxico na un nivel energetico cu ta scondi profundamente den bo. E nivel aki ta efectivo y eficiente dependiendo di bo aplicacion, bo practica y e nivel di comprondemento di e filosofia di Energia Universal Humano®. Den e scol di EUH, e ta importante pa remarca cu, no ta e nivel ta duna bo e capacidad y habilidad, pero ultimamente ta e esfuerso personal y cultivacion di e frecuencia cu ta duna bo e cualidadnan aki.
Aviso
M.E.L. Aruba ta un partner oficial di HUE FACULTY®, cu facilitadornan reconoci y autorisa.
E programa autentico aki ta wordo ofreci pa su partner y facilitadornan reconoci oficialmente pa HUE FACULTY®. E facilitadornan aki a wordo getrain y a haya un certificacion oficial di e HUE FACULTY, of un di su partneran legitimo. E facilitadornan ta ofrece e programa educacional y autentico di Energia Universal Humano® como individuonan independiente cu un number di registracion personal.
Riba e website di HUE FACULTY® bo por haya un lista di partnernan cu ta afilia oficialmente.