Moreu Facilitation & Healing Center ta specialisa den desaroya y coach pareha na biba felicidad berdadero cu un sonrisa sincero riba nan cara.

Pa por logra e meta aki, nos a crea e programa di Felicidad y Bienestar. E proceso aki ta consisti di un serie di sesion di Desaroyo 1-on-1 (training personalisa) pa pareha. Cada sesion ta enfoca riba siña bo con pa concentra y dirigi bo mente pa crea pensamentonan positivo y con pa maneha bo emocionnan eficientemente.

Un version special di e programa di Felicidad y Bienestar a wordo crea pa coach muchanan (9-11 aña), hobennan (12-17 aña) y tambe pa adultonan 18+.

Ki tipo di proceso di desaroyo nos ta ofrece?

Nos proceso di desaroyo ta inclui e crecemento gradual basa riba un serie di accionan positivo cual ta wordo practica y aplica pa logra un resultado particular. Den e caso aki, e resultado ta un mente calmo, un mente positivo, desaroyo mental y spiritual.

Kico ta e beneficionan di desaroyo pa pareha?

E beneficionan primario di e proceso pa pareha ta lo siguiente:

  • Conexion: un miho conexion entre partnernan cu ta fortifica e relacion. 
  • Comprondemento: crea harmonia na cas pasobra tin compasion cu locual ta afecta cada individuo den e hogar den cada momento.
  • Comunicacion: un dialogo mas amoroso entre pareha. Tin tambe mas harmonia y crecemnto pasobra tin comprendemento y ta comparti e pensamento, creencia y opinion di cada partner. 
  • Aprecio y balora: duna aprecio y balor na locual cada partner ta contribui cu na e relacion. 
  • Sosten: cultiva sosten mutuo pa cada partner su balornan, virtudnan y ideanan pa e beneficio di e relacion. 
  • Amor di Berdad: despues di atende cu tur e puntonan menciona ariba, finalmente e pareha por biba for di e conexion di nan curason. 

Kico bo ta siña durante e sesionnan aki?

Bo ta siña con pa bira mas consciente di locual ta realmente afectando comuncacion entre dos persona.

Bo ta siña pa comunica segun bo partner su manera di interpreta e mundo.

Bo ta siña con pa comparti e amor di berdad cu otro, den un manera, cada partner lo sinti e necesidad y deseonan di su pareha.

Bo ta siña laga los di pasado, biba e presente pa por crea un miho futuro hunto.

Bo ta siña cu den casonan di diferencia di opinion, pa logra yega na un acuerdo mutuo cu ta beneficia tur.

Con bo ta bira despues di a completa e proceso di desaroyo aki? 

Cu e desaroyo pa pareha aki, bo lo por tin un dialoga sincero y habri cu bo pareha. Bo ta mustra compasion na luga di culpa y keha. Bo ta cuminsa comparti mas di kende bo ta como un ser spiritual cu bo pareha, y e lo yuda boso tur dos pa progresa den bida. Mas miho ainda, bo lo por crea harmonia den bo hogar hunto y entrega amor na otro cu ful bo ser.

Kende ta beneficia?

Tur pareha cu ta desea di hiba nan relacion na un dimension diferente pa por biba feliz y na paz cu otro pa e beneficio di tur.

Recomendacion

Ta altamente recomenda pa parehanan participa den e programa di Energia Universal Humano pa sigui e desaroyo di nan proposito di bida hunto.