Desaroyo di Empleado

Moreu Facilitation & Healing Center ta specialisa den e training y desaroyo di empleadonan pa asina nan por hiba e compania na servico di excelencia y/of produccion di productonan cu, na su turno, ta wordo ofreci na clientenan y cu finalmente lo crea un impacto riba e compania su ganashi.

Desaroya bo ekipo pa coopera, motiva y logra obhetivonan specifico

E economia mundial actual cu orientacion na servicio  ta rekeri mas di un empleado cu djis conocemento di su area di experticio specifico. Como un representante di e cultura di e compania, su actitud y accionnan ta influencia e lealtad y satisfaccion di e cliente interno y externo.

Pa por logra e meta aki, nos a crea e programa di Felicidad y Bienestar specialmente pa compania y organisacion. E proceso ta consisti di un serie di sesionan di Desaroyo 1-on-1 (training personalisa) pa empleado, supervisor y gerentenan. Cada sesion ta enfoca riba siña bo con pa concentra y dirigi bo mente na crea emocionnan positivo y con pa maneha bo pensamentonan eficientemente. Esaki ta aumenta e prestacion individual na trabou.

Kico ta e beneficionan di nos programa di desaroyo pa empleado? 

Desaroyo pa empleado ta yuda crea un cultura di:

• Motivacion: bo tin empleadonan cu ta motiva for di paden y cu ta contribui na haci un diferencia.
• Cooperacion: empleadonan kende ta traha hunto pa logra mas den union.
• Comprondemento: empleadonan tin sabiduria pa compronde otro prome cu nan ta culpa otro.
• Productividad: empleadonan cu energia pa crea metanan y logra nan hunto.
• Resolve situacionnan dificil: empleadonan sa con pa atende y resolve situacionnan di cliente interno y externo pa crea un situacion di gana-gana.
• Sosten: tur empleado ta sostene otro pa progresa hunto.
• Union: empleadonan ta consciente di nan conexion, ta uni pa ta exitoso hunto.
• Harmonia: crea un energia sincronisa di tur empleadonan pa e bienestar di e organisacion y e ekipo.
• Optimismo: empleadonan cu ta positivo y ta wak e parti bon den cada situacion.

Kico empleadonan ta siña den e programa aki?

Cu e programa di desaroyo aki, empleadonan ta siña lo siguiente:

• Con pa pensa y sinti positivo.
• Con pa sinti feliz y calmo.
• Nan ta siña con pa sinti e conexion cu otronan, y con pa traha bon den ekipo.
• Con pa yuda otro pa progresa hunto.
• Con pa atende cu situacionnan dificil.
• Con pa genera energia mental, emocional y fisico pa ta mas productivo na trabou.
• E empleado ta tuma iniciativa pa contribui na e ekipo.

Con empleadonan ta transforma despues di a ricibi e training aki?

E ekipo di empleado ta bira un grupo dinamico, trahando hunto pa contribui na e implementacion di e proposito di existencia di e organisacion. Asina nan ta contribui tambe na e crecemento di e compania. Mas ainda, nan ta bira un grupo di persona cu ta sostene otro ora e trabou ta hopi of pisa y ta zorg pa caba cu e trabou na tempo, na un manera sigur y den un budget. Cu e caracteristicanan aki, empleadonan ta bira un ekipo ganado.

Empleadonan ta bira un grupo di optimista cu ta traha hunto pa logra e vision di e compania, mas ainda, nan ta bira un grupo cu ta scucha otro, papia cu otro pa yuda otro pa ta e miho, continuamente.

Kende ta beneficia di e training aki?

Tur compania cu ta desea di haci algo diferente, unico y inovativo pa logra nan obhetivonan como un unidad.