spiritualidad di negoshi

Haciendo negoshi for di e aspecto spiritual

Kico ta e Spiritualidad di Negoshi?

Spiritualidad di Negoshi ta ora bo ta haci negoshi cu bo alma. Como sernan humano, nos a bin ta opera solamente cu nos aspecto fisico y nos no tabata por a incorpora nos aspecto spiritual den e operacion diario y practicanan den negoshi.

Kico ta spiritualidad?

Spiritualidad ta e desaroyo di nos aspecto mental. Banda di actonan bondadoso y palabranan sincero, e buskeda di spiritualidad kiermen evoluciona mentalmente y psicologicamente pa yega na e realisacion di perfeccion of iluminacion atraves di transcendencia.

Pakico spiritualidad den negoshi ta asina importante?

Pasobra e no ta "business as usual", of e no ta haci negoshi manera custumber. Cosnan a cambia na mundo despues di e pandemia, y nos mester tin un manera nobo y creativo pa keda den y florece den negoshi. Uzando djis e maneranan tradicional den haci negoshi no ta suficiente mas.

Con spiritualidad por contribui na e transformacion di un organisacion?

Manera a wordo indica caba, spiritualidad ta tocante uza sabiduria y transcendencia pa sirbi e bienestar mas grandi di tur. Nos mester sirbi e cliente interno y extero den maneranan nobo cu ta sirbi e necesidad di nan ser spiritual y no djis nan er material cu ta separa.

Spiritualidad den negoshi ta wordo uza pa trece realisacion na tur miembronan di ekipo y pa crea un ambinete di trabou unda energia positivo ta presente den cada transaccion. Haciendo esaki, e resultado ta un ganashi grandi pa yuda y contribui na e comunidad unda abo ta haciendo negoshi.

Spiritualidad di negoshi ta crea sinergia real pasobra e ta permiti e compania pa crea un energia syncronisa den tur aspecto di e organisacion.

Capacidad Central

Tur nos programanan di training ta consisti di 3 capacidad central. E capacidadnan aki ta defini e forsa di cada individuo pa florece den bida y na trabou.

Prome cu tur cos, e poder di emocion positivo ta wordo presenta for di e punto di bista cu emocionnan ta frecuencianan. Nos mester corda cu emocionnan ta eigenlijk energia den movecion. Adicionalmente, emocionnan ta origina for di nos celebro secundario, e Mesentery cual a wordo studia den mas detaye pa cientificonan desde 2016, y ta localisa den nos area abdominal.

E di dos capacidad central ta e pensamento positivo. Esaki ta basa riba e señal positivo cu ta bin for di e curason. E celebro solamenta ta interpreta e señal ricibi, cual ta haci cu e curason ta e organo di mas importante pa genera un actitud positivo.

Finalmente, 93% di comunicacion ta sosode riba un nivel energetico. E resto di 7% ta sosode atraves di palabra y e curpa. Esaki ta ilustra e manera inefectivo na con nos ta bin ta comunica, cual na su turno ta demostra pakico tin tanto malcomprondemento.

Programa di Training Specialisa

lidera cu sabiduria

Creando Sinergia cu un Paradigma Nobo

E training aki ta permiti bo pa identifica e energia di cada individuo den e organisacion y pa sincronisa nan energia pa logra metanan di compania.

E potencial di cada individuo ta wordo identifica pa asina e por wordo cultiva for di paden pa por conecta tur empleado cu otro. Asina e departamento y organisacion por florece basa riba e capacidad maximo di e ser fisico y spiritual di cada empleado.

sirbi cu compasion

Servicio for di Curason

Pa hopi aña, organisacionnan a bin ta enfoca riba servicio di excelencia sin inclui e aspecto spiritual di e transcaccion di servicio. Nos ta pensa solamente riba e procesonan y aspectonan fisico y financiero di ofrece producto y servicio. Awendia, nos tin cu ofrece un manera completo ora di sirbi clientenan.

E cliente, como tambe e empleadonan, tin un aspecto spiritual cual mester wordo identifica, cultiva y inclui ora di ofrece servicio for di curason. E curason no ta djis un pomp mecanico pa pomp sanger; e curason ta tambe e aspecto spiritual di e persona. E curason ta pensa, dicidi y ta determina e personalidad y e caracter di un ser humano.

Ora di sirbi un cliente, e empleado mester tene na cuenta, prome cu tur cos, cu e curason mester ta den un estado di calmo total, cual ta influencia e estado di e curason di e cliente cu ta wordo sirbi. E beneficio di esaki ta un miho comunicacion, miho evaluacion di e necesidadnan di e cliente y un manera mas compasivo pa sirbi.

biba for di excelencia

Alma Empodera

E training di Alma Empodera ta un training cu ta yuda bo na establece bo proposito den bida.

Pa por cultiva un bienestar positivo, bo balornan, virtudnan, mision y vision mester ta estableci. Balornan ta estableci solamente pa determina bo virtudnan. Esaki ta bisa e mundo, atraves di bo accionan, ken bo ta di berdad, mientras bo ta haciendo bo mision y mientras bo ta trahando pa logra un vision ideal di e futuro.

Spiritualidad di Negoshi