Flotando den awa pa motibonan terapeutico no ta nada nobo. Pa miles di aña caba, hende tabata cana pa dianan largo pa tin e oportunidad di flota den e awanan di e Lama Morto cu ta keda entre e painan di Israel, e West Bank y Jordania. Den e añanan 50, cientificonan a conclui loke cu humanidad tabata sa for di hopi tempo caba: flota den awa ta elimina stress, ta relaha e sistema nervioso te na un punto cu e curpa ta laga los di tension, ansiedad y adiccionnan.
Cu esaki, Moreu Facilitacion & Healing Center ta introduci e servicio di Watsu. E ta un poco mas activo cu simplemente flota, sinembargo e ta mas pasivo compara cu un masashi aquatico.
Kico ta Watsu?
Watsu ta move un persona su curpa na un manera suave pa promove un estado di relahacion profundo y ta yuda e flexibilidad di e lomba y e sistema nervioso. Watsu ta un combinacion di movecionnan di curpa y stretchnan cu ta yuda e curpa laga los di tension. E sesion aki ta un combinacion di sanacion cu ta restaura e fluho energetico paden di e curpa mientras e caracteristicanan di e awa ta duna e curpa un masashi natural. E ta trece paz y ta revitalisa bo completamente. Watsu ta duna bo curpa e oportunidad pa kita tur presion di e musculonan y joints pa experiencia un estado meditativo y un flexibilidad unico den awa.
Kico bo por spera di un sesion di Watsu?
Un sesion ta dura mas o menos 45 minuut y e beneficionan ta hopi. E resultado final por varia cu cada persona of di sesion pa sesion. E ta depende di bo experiencia durante e prome sesion: bo ta entrega bo confiansa door di laga e awa carga e peso di bo curpa pa asina bo por flota te ora bo mente ta cay suavemente den un perdida di tur sensacion di ful bo curpa, y tambe ta perde tur sentido di direccion, yegando na un estado di calmo.
Beneficio:
E beneficio di mas grandi di Watsu ta, cu e ta relaha bo curpa di tal manera cu e ta alivia tur dolornan fisico, e ta yuda bo ta den un estado di meditacion profundo, e ta promove creatividad y e ta yuda bo laga los di cualke crisis emotional, adiccion of fobia cu bo por tin.
Con un Watsu por haci tur esaki?
- Mientras bo ta flota den awa, combina cu movecion y strechnan suave, e ta encurasha bo curpa pa produci mas di e endorfina (hormonanan cu ta pone bo sinti bon). E hormonanan aki ta kimiconan natural cu ta wordo produci den nos curpa. Nan ta responsabel pa e reserva personal di kimico y nan ta contene substancianan similar na morfina. Nan ta origina den e hipotalamos y sistema nervioso. Nan ta activa ora nos ta sinti stress, miedo of dolor.
- Unabes bo curpa ta flotando y e produccion di enforina ta wordo stimula, e ta stop e funcionamento di e glandula cu yama amygdala. E amygdala ta un area di bo celebro cu ta controla bo emocionnan. Unabes flotando, bo curason ta cuminsa bati mas poco poco y bo halamento di rosea ta calma. Tur esaki ta yuda bo curpa pa laga los di ansha. Bo mente ta drenta den un estado di calmo profundo. Esaki ta locual nos ta yama tambe e estado di meditacion.
- Ora bo yega e estado aki di meditacion, bo ta logra tambe e habilidadnan di e.o., por enfoca miho y absorbe informacion mas lihe; mehora e habilidadnan motorico y bo lo tin habilidadnan artistico, y bo ta ricibi inspiracion creativo. Bo ta logra tin un menta cla na un otro nivel, y bo lo tin e habilidad pa keda calmo bou di cualkier presion.
Despues di e Watsu
Durante Watsu bo ta haya e sensacion di cero gravedad; no tin presion riba bo curpa. Bo respiracion ta yuda bo enfoca bo atencion paden di bo curpa mientras bo curpa ta wordo mov'i den varios direccion den e awa. Bo lomba ta alinea perfectamente y e ta permiti bo sistema nervioso pa atende cu tur e aeranan di bo curpa y tension muscular, na un manera relaha. E sensacion di flota den awa ta trece bek e memorianan di ta den e barica di bo mama, sea e ta consciente of inconsciente.
Esaki ta haci posibel cu despues di un sesion di Watsu, e proceso di sanacion fisico, mental, spiritual y emotional ta accelera na un manera sutil. Tur e diferente sensacionnan cu bo ta experiencia durante e Watsu ta hopi poderoso y nan ta funciona como un boton pa reset bo curpa y alma. Clientenan ta experiencia un flexiblilidad fisico masha grandi mes, e sensacion di libertad mental y cambionan gandi positivo den nan manera di sinti riba un base diario.
Preparacion pa un Watsu
Prome cu e cita di Watsu, limita e consumo di likido cu ta contene cafeina. Tambe ta recomenda pa evita come un cuminda grandi denter di 45 minuut prome cu e sesion. Esaki ta yuda e proceso di flota den awa mas facil.
Recomendacion
Combina e servicio aki cu un Baño di Calor Seco of un masashi di Shiatsu e beneficio maximo cu un Watsu por ofrece pa bo curpa y alma.
