Reiki

Na Moreu Facilitation & Healing Center, nos ta ofrece sesionnan di sanacion cu Reiki di e lineahe di Dr. Mikao Usui, sigui pa Dr. Chujiro Hayashi, sigui pa Hawayo Takata te na e Reiki Grand Master Phyllis Furumoto cu a siña Mr. William L. Rand. Nos Reiki Master di cas, Sra. Belquis Moreu, a siña directamente for di Mr. William L. Rand na 1994.

Con Reiki ta sanea?

Reiki ta traha primordialmente cu forsa di bida. Ora nos duna sanacion cu Reiki, e sanacion ta tuma luga door di pasa atraves di e areanan di e campo energetico di nos curpa. E fluho aki ta recarga e areanan afecta cu energia positivo. Tambe, e ta hisa e nivel di vibracion di e campo energetico rond di e curpa fisico unda e pensamento y sentimentonan negativo ta pega. Esaki ta causa cu e energia negativo ta kibra for otro y sali. Di e manera aki, e sanacion cu Reiki ta haci limpi, ta crea ordo y ta sanea e canalnan di energia, permitiendo e forsa di bida pa core di un manera natural door di ful e curpa.

E beneficionan di Reiki

• Reiki ta guia su mes; e no ta necesario pa Reiki wordo dirigi. Reiki tin un mente di su mes y no por wordo dirigi door di e practicante. E ta comumica cu e persona su ser superior y ta uza e informacion aki pa e sa unda e mester bay y kico e mester haci.
• E ta relahante y e ta yena bo cu serenidad.

Kico mi por spera di un sesion di Reiki?

Bisti comfortbalemente, bo ta drumi riba un cama di masashi. E sesion di Reiki tin un duracion di aproximadamente 1 ora. Despues di a wordo intrui na pone atencion na bo halamento di rosea, e terapista ta cuminsa uza e posicionnan di man riba bo curpa uzando Reiki. Durante e sesion aki, bo ta relaha y bo ta wordo sanea cu musica di Reiki y aromaterapia. No tin niun tipo di masashi of manipulacion fisico di bo musculonan durante e sesion aki.

Recomendacion

Combina bo sesion di Reiki cu un Baño di Calor Seco, un Masashi cu Engeria of un Reflexologia di Pia pa revitalisa tanto bo curpa, mente y alma.