E historia con e masashi di curpa a cuminsa, ta start desde e tempo antiguo na India cu ta mas di 3000 aña prome cu Cristo. E prome biaha cu e practica di masashi a wordo menciona ta den e buki tradicional di medicina yama “E buki clasico color gel di e emperador pa medicina interno” na aña 2700 prome cu Cristo. Den e cultura Chines, como esun Japones, di India, Egipto, Grecia, Romano, Koreano y cultura di Mesopotamia, masashi tabata un arte sagrado di sanacion y un elemento importante pa bida largo. Masashi tabata parti di e sistema di salud publico; e mediconan tabata combina remedi cu diferente tipo di masashi pa yuda e curpa tanto den e aspecto fisico y spiritual.

Mas cu 5000 aña di historia ta mustra cu masashi ta ideal pa cura herida, alivia dolor, preveni y cura malesa. Ademas, e ta reduci stress y ta duna bo un relahacion profundo di bo curpa fisico.

Pakico mi mester tuma un masashi cu energia aki?

Aki na Moreu Facilitation & Healing Center, nos ta combina e masashi tradicional cu transferencia di energia divino. Esaki no unicamente ta stimula bo musculonan, pero tambe ta aumenta e reserva di bo energia vital pa duna bo curpa e boost necesario y ta asisti bo alma cu su evoluciona door di elimina e memorianan graba den e curpa humano. Asina bo por biba un bida yena cu vitalidad, paz mental y felicidad.

Bo curpa ta responde na relahacion

E masashi di e musculonan di bo curpa na un manera sauve y firme ta relaha bo curpa. Esaki hunto cu alivio di dolor y e transferencia di energia pa elimina e memorianan graba den bo curpa y organonan tin como resultado cu e curpa ta reacciona den un estado relahante. E estado aki ta ora e latido di bo curason y bo halamento di rosea ta calmo y poco poco. Bo presion di sanger ta mehora y bo musculonan ta laga los di tur tension. E estado aki di relahacion ta hisa e produccion di hormonanan cu yama “serotonas” cual ta un kimico natural cu ta balansa bo emocionnan, ta yuda bo sinti bon y tin pensamentonan positivo den bo curpa fisico.

Beneficionan

E beneficionan di un masashi cu energia spiritual ta inclui lo siguiente:

  • Un alma calmo;
  • Restaura bo mente;
  • Relahacio di stress, maneha ansiedad y hypertension;
  • Mehoracion di e circulacion di sanger.
  • Relahacion y tonificacion di bo musculonan.
  • Promove e sistema digestivo, specialmente bo tripanan pa saca toxico y sushi di bo curpa.
  • E ta yuda e campo di energia di bo curpa.

Kico mi por spera di un sesion di Masashi cu Energia?

Aki na Moreu Facilititation & Healing Center, abo ta dicidi ki nivel di presion bo ta prefera riba bo musculonan pa bo masashi. E por varia di un masashi leve y suave te cu uno mas profundo cu presion, especialmente si e musculonan ta hopi duro. Bo masashi ta wordo complementa cu musica relahante y aroma na bo gusto pa deleita tur bo sentidonan y pa calma bo alma.

Recomendacion

Como recomendacion, nos ta sugeri bo pa combina e masashi cu energia cu un sesion di Reiki, Alineacion Energetico di Jin, Baño di Calor Seco (Dry Heat Bath), un Watsu of un Baño pa Detox ful bo curpa.