Nos curpa ta consisti di un netwerk di varios canalnan energetico cu ta nutri nos celnan cu bida y vitalidad. Ora un of mas di e canalnan aki ta blokia, e ta crea un caos y hasta dolornan fisico. E energia stagna den e aeranan local aki eventualmente ta crea desharmonia den e fluho di energia di ful nos curpa.

Kico ta Jin Shin Jyutsu?

Jin Shin Jyutsu ta e arte Oriental di sanacion cu ta uza puntonan di energia di nos curpa pa harmonisa tur e vibracionnan den nos curpa. E ta un manera di pone man sauvemente riba bo curpa pa trece balans den e fluho di energia. E man di e terapista cu ta duna Jin Shin Jyutsu, ta funciona manera "jumping cables" pa reactiva e candalnan di energia cu ta existi den ful nos curpa. Esaki ta similar na e puntonan di acupresion.

E beneficionan di JIN

Cada sesion y persona tin un experiencia unico di Jin Shin Jyutsu.  E beneficio cu mayoria di nos clientenan tin en comun ta e sensacion di por relaha tanto curpa y mente profundamente. E efectonan profundo di Jin Shin Jyutsu por wordo sinti hasta denter di 8 hora despues di a ricibi e sesion. Beneficionan riba termino largo ta posibel door di haci sesionnan regular. Na e nivel fisico, e fluho di energia restaura ta hisa bo capacidad di curpa pa sanea su mes. Esaki ta nifica cu bo sistema immunologico ta bira mas fuerte y cu bo lo tin menos malestar. Riba e nivel mental y emocional, bo relacionnan ta bira harmonioso, bo lo tin paz mental y stabilidad emocional.

Kico mi por spera di un sesion di JIN?

Bisti comfortabel y drumi riba e cama di masashi. E Jin Shin Jyutsu lo tin un duracion di aproximadamente 1 ora. Despues di wordo instrui pa pone atencion riba bo rosea, e terapista ta cumisa traha cu e puntonan di acupresion riba bo curpa, hasiendo uzo di presion leve riba tur punto energetico. Esaki no ta un masashi tipico of manipulacion fisico di e musculonan.

 

Bonus adicional cu bo sesion

Dependiendo di bo necesidad, nos por sugeri un manera pa bo practica na cas pa yuda bo curpa sigui promove e fluho di energia. Esaki lo pasa door di siña bo algun combinacion di punto di presion di energia pa bo trata.

Recomendacion

Combina bo Jin Shin Jyutsu cu un masashi di energia pa revitalisa tanto bo curpa, mente, como bo alma. Si bo ta desea di experiencia algo completamente nobo, bo por pidi pa e posibilidad pa haya bo Jin Shin Jyutsu flotando den awa..