Baño di Calor Seco

Sodamento ta bon pabo.  E ta e manera natural di bo curpa pa sanea su mes y keda saludabel. Nos forma di bida combina cu e cantidad di toxico cu nos ta ingeri of inhala ta blokia nos porionan y no ta permiti nos curpa pa soda regularmente mas. Door di hasi e Baño di Calor Seco, calor ta wordo manda directamente den bo curpa pa hisa e temperatura interno. Esaki ta resulta den un detoxificacion profundo riba e nivel celular unda e toxico ta acumula. Ademas e ta promove e funcion di e glandulanan cu ta regula e temperatura natural di bo curpa.

E detoxificacion profundo aki ta importante, pasobra e ta yuda fortalese bo sistema inmunologico, e ta yuda tur e proceso biokimico di bo curpa pa funciona mas eficiente y e ta permiti bo pa digeri e nutrientenan den bo cuminda. Esaki tambe ta relaciona na un metabolismo mas eficiente.

Con e Baño di Calor Seco ta traha?

Den e mundo cientifico, ya caba a wordo comproba cu e sodor di nos curpa ta contene substancianan toxico, por ehempel metalnan pisa. Na Moreu Facilitation & Healing Center, bo ta ricibi un sesion di e Baño di Calor Seco cu tecnologia "dry infrared". Esaki ta relaha y detoxifica e curpa pa reduci microbios y virusnan den bo curpa. Cu un temperatura entre 46-50°C (114-122°F), e ta stimula e produccion di celnan cu tin e responsabilidad pa defende e sistema inmunologico y e celnan aki ta bay den bo sanger pa haci'e fuerte y introduci mas proteina natural den bo curpa. E calor di e Baño di Calor Seco tambe ta intensifica e proceso natural kimico di e curpa. Esaki ta detoxifica e curpa di cualkier kimico of acido cu a acumula den bo curpa atraves di e porionan.

Kico ta e beneficionan di e Baño di Calor Seco?

Un sesion di e sauna aki uzando "dry infrared", mientras bo ta mantene bo mes hidrata tin hopi aspecto positivo pa bo bienestar. Akibou tin un splicacion cortico di tur e maneranan cu bo curpa ta beneficia di cada sesion:

• Salud mental: sinta den e Baño di Calor Seco bo ta haya training mental positivo uzando afirmacionnan positivo.
• Salud spiritual: bo ta ricibi un boost di energia mientras bo ta detoxifica atraves di e  transferencia di energia durante bo sesion.
• Detoxificacion: e manera aki di hisa e temperatura interno di bo curpa ta causa cu bo ta soda di paden bay pafo. E ta haci posibel cu atraves di bo sodor bo ta laga los di hopi toxico di e celnan di bo curpa. E sodamento profundo aki, combina cu un calor placentero ta yuda bo musculonan pa relaha completamente.
• Purificacion: e calor di e Baño di Calor Seco ta purifica e capanan di dermis y epidermis di bo cuero, stimulando e produccion di colageno pa promove e elasticidad, como tambe un cuero limpi y saludable.
• Alivio di dolor muscular: cu sesionnan regular, e calor ta promove e flexibilidad di bo sistema muscular. Esaki, na su turno, ta yuda bo curpa pa ta den un estado di relahacion continuo.
• Relahacion: e calor terapeutico y sutil di e Baño di Calor Seco ta promove un relahacion profundo. Despues di cada sesion, bo ta sinti bo mes calmo y bo tin paz mental. Tur esaki ta mehora e calidad di bo soño.
• Celnan saludabel: e calor cu ta sali di bo curpa ta stimula e sistema circulatorio y ta duna e e aire puro necesario na tur e celnan di bo curpa. E resultado di un miho circulacion di sanger ta cu bo ta laga los di mas toxico cu ta sali for di e celnan di bo curpa pa e superfice di bo cuero.  Di e manera aki, bo ta mehora bo salud, bo ta yuda bo musculonan relaha y bo ta reenforsa bo sistema inmunologico.
• Un miho circulacion di sanger: e sistema cardiovascular ta wordo asisti door di e sanger cu ta core door di e adernan cu ta expande y door di esey ta transporta mas sanger den e curpa. Esaki ta promove e circualcion di sanger y duna e cuero un bida nobo cu tur e nutrientenan den e sanger.
• Bahamento di peso: ora bo ta sinta den e sesion di sauna, e ondanan "dry infrared" ta yuda e curpa kima entre 600 y 800 caloria. Tur esaki durante bo ta den un relahacion profundo. Ora bo curpa ta den e proceso di fresca, bo latido di curason ta aumenta substancialmente, cu ta atrobe mehora e sistema cardiovascular y metabolismo.
• Sanacon total: un sesion den e "dry infrared" ta promove e proceso di sanacion di bo curpa. Esaki ta inclui e regeneracion lihe di bo celnan y bo musculonan. E regeneracion di bo celnan ta hasi posibel cu heridanan, of cualkier malestar, ta sanea lihe y ta preveni infeccion.

Prepara bo mes pa un sesion

Prome cu bo afspraak di Dry Heat Bath, ta recomendabel pa bo bebe hopi awa pa mantene bo curpa bon hidrata. Na bo yegada, bo ta ricibi un te herbal pa asina prepara bo curpa pa laga los di tur toxico.

Extra Beneficio

Hunto cu e sercivio di Dry Heat Bath, bo ta haya e oportunidad pa haci uzo di un trampolin. E beneficionan di haci esaki ta cu e ta move bo sistema limfatico pa yuda bo circulacion di sanger transporta e toxiconan pa e areanan di bo curpa cu nan por sali. Adicionalmente, bo ta ricibi un training mental cu afirmacion positivo pa yuda bo mehora bo manera di pensa. Esaki combina cu musica relahante ya romaterapia ta forma un experiencia completamente unico. Como bonus, e Dry Heat Bath ta bin ekipa cu cromoterapia. E terapia aki ta uza luz den diferente color pa trata cierto vibracion den bo curpa, treciendo e balans na unda tin falta di energia riba nivel fisico, emocional, mental y spiritual.

Kico bo por haci pa refresca?

Despues di bo sesion di Dry Heat Bath, bo tin e oportunidad pa tuma un baño den nos "outdoor shower" y despues drenta den nos pool cu awa energetisa. E awa friu di e pool ta uno efectivo pa crea balans den bo curpa pa regula e temperatura interno.

Recomendacion

Pa miho relahacion, bo por combina bo sesion di Dry Heat Bath cu un di e siguiente servicionan: Watsu, Full Body Detox Bath of un Masashi di Energia pa ful curpa.