Detoxificacion ta un proceso natural di nos curpa pa elimina kimico cu nos ta absorbe via nos cuminda, bebida, productonan di beyesa y hasta e aire cu nos ta inhala. En general, nos ta detoxifica por medio di e funcionamento adecuado di nos higra, nos riñonnan, nos tripanan, nos cuero ora nos soda y tambe nos pulmonnan. Sin embargo, desde e revolucion industrial, nos curpa ta wordo bombardia cu mas kimico cu nunca antes. Awendia nos mester haya maneranan pa no acumula e kimiconan aki den nos sistema, causando un peso den nos curpa. Acumulacion interno di e contaminante y toxiconan ta causa un stress significante riba nos, y ta crea malesanan relaciona na e degeneracion di nos curpa. Den caso di acumulacion, esaki ta stroba e proceso natural di e curpa pa detoxifica y sanea su mes.

Con e Detox di Pia ta traha?

E Griegonan, Romanonan, Japones y Chinesnan, nan tur a uza diferente metodo di detoxificacion di e curpa. Nan ta enfatisa detoxificacion door di e pianan pa restaura salud di henter e curpa.

Ora nos prepara e Baño di Detox pa Pia, nos ta zorg cu e temperatura di e awa ta ideal pa stimula e glandulanan di e pia pa nan soda. Cada pia tin mas cu 2000 glandula pa soda, y esaki ta mas cu otro area di e curpa. Corda cu e curpa ta mescos cu un cilinder y e efecto di gravedad ta hasi cu tur toxico y acido ta sink bay na e pia. Pa e motibo aki e Baño di Detox di Pia ta hopi efectivo, pasobra e ta elimina – den un forma natural, toxiconan di e curpa door di e pia unda nan ta acumula mas hopi.

Kico ta necesario pa haci e detox aki?

Bebe hopi awa prome, durante y despues di e sesion pa preveni deshidratacion. Na Moreu Facilitation & Healing Center, nos ta duna bo awa di energia pa boost bo sistema immunologico y mantene bo bon hidrata durante cu bo ta detoxifica. Presenta na bo cita sin nigun crema, locion of pleister na bo pia. Sinta relaha, sin bo celular y scucha e frasenan positivo durante cu bo curpa ta sacando tur sushi. Door di scucha diferente afirmacion, bo por motiva y bira mas positivo. Bin pa bo descansa, recarga, reprograma bo mes y disfruta!

Cuanto sesion ta necesario?

En general, nos ta sugeri pa schedule entre 1 of 2 sesion pa luna, pa bo por tin un efectivada mas grandi di e detoxificacion. Cu un plan di mantencion asina, bo por preveni cu bo curpa ta acumula toxico.

Tur hende por haci e Detox di Pia?

Na Moreu Facilitation & Healing Center, nos no ta uza ningun machin cu ta emiti coriente, pa e motibo aki hasta un persona cu un pacemaker of un persona cu ta sufri di epilepsia ta apto pa e Baño di Detox di Pia. Sin embargo, den caso unda un persona tin un herida habri na su pia, of un hende cu ta na estado of recientemente a haci un transplante di organo, nos ta descurasha e uzo di e Baño di Detox di Pia. Aunke e sesion aki ta completamente natural, semper ta miho pa preveni.

Kico bo por spera?

Pa cada persona ta diferente y tambe ta depende di e cantidad di toxico y cantidad di tension cu cada persona tin. Sin embargo, gran mayoria di persona ta experencia un relahacion profundo mas of menos 20 minuut despues di hinca nan pia den e awa lauw. Despues di e sesion, bo ta sinti relaha y ta recomendabel pa bay poco poco.

Recomendacion

Crea bo mesun retiro door di combina e Baño di Detox di Pia cu un masashi di Reflexologia di Pia.