E Baño di Detoxificacion di Ful Curpa ta specialmente diseña pa stimula e sistema circulatorio y pa detoxifica bo curpa. E awa lauw a wordo trata pa recarga e curpa cu energia vital y laga los di frecuencianan pa tur organos den bo curpa ta funciona mihor. Esaki ta rejuvenece e curpa completo.
Pakico bo mester un Detox di Ful Curpa?
E cuero ta e organo mas grandi di nos curpa. Door di submergi bo mes den e awa energetisa, bo ta detoxicificando e organo grandi aki cu ta soda y saca hopi toxico. E cuero ta yuda transporta aire na e celnan via e sanger y likido den e curpa, y na mesun momento e ta saca e toxiconan for di mas of menos 3 miyon di poreonan y for di tur e glandulanan di sodor.
E beneficionan di e Detox di Ful Curpa
E beneficionan positivo di un Baño di Detox pa Ful Curpa ta inclui: detoxificacion di full e curpa; e ta yuda e higra y riñon saca sushi di e curpa pa medio di urina; e ta promove e funcion di e sistema limfatico; e ta elimina e celnan morto pa rejuvenece e cuero di ful bo curpa. Tambe, door di hasi e Baño di Detoxificacion di Ful Curpa regularmente, e ta yuda bo baha peso.
Di unda tur e toxiconan aki ta bin?
Detoxificacion ta un proceso natural di nos curpa pa elimina kimico cu nos ta absorbe via nos cuminda, bebida, productonan di beyesa y hasta e aire cu nos ta inhala. En general, nos ta detoxifica pa medio di un funcionamento adecuado di nos higra, nos riñon, nos tripanan, nos cuero unda nos ta soda y tambe nos pulmonnan. Sinembargo, desde e revolucion industrial nos curpa ta wordo bombardia cu mas kimico cu nunca. Awendia, nos mester busca un manera pa e kimiconan aki no acumula den nos sistema, causando un gran peso riba nos curpa. Acumulacion interno di polucion y toxiconan ta un causa di stress significante riba nos mes, y crea malesa relaciona cu e degeneracion di e curpa. Den caso di acumulacion, esaki ta stroba cu e sistema natural di e curpa ta detoxifica y sanea su mes.
E rason pa uza awa lauw pa e Baño di Detox pa Ful Curpa
E awa cayente (temperatura regula) di e Baño di Detoxificacion di Curpa ta un ehercicio pa e adernan pa mas sanger por circula pa e organonan esencial di bo curpa. Esaki ta mehora e capacidad di bo curason. Adicionalmente, e ta mehora e circulacion di sanger pa e curason y celebro. E cayente di e awa ta promove ful e curpa pa soda, eliminando mayoria di toxico, e ta ahusta e temperatura di curpa y e nivel di bo presion di sanger. E awa cayente ta yuda relaha bo musculonan di bo curpa pa bo tin un soño mas profundo.
Prepara bo mes pa un sesion
Prome cu e dia cu bo tin bo cita di e Baño di Detoxificacion di Curpa ta recomenda pa bebe hopi awa pa mantene bo curpa bon hidrata. Unabes bo yega, bo ta haya un te herbal pa asina prepara bo curpa pa elimina tur toxico.
Un mix natural pa detoxification maximo
E Baño di Detoxificacion di Ful Curpa ta consisti di awa energetisa mescla cu klei natural di Bentonite y aroma pa acelera e detoxificacion di e curpa. E combinacion aki ta (1) pa promove sanacion, (2) trece mas relahacion y descanso pa e curpa, y (3) mehora e sistema immunologico.
Pakico nos ta uza e klei di Bentonite (Benonite, eng. / Bentonita, esp. / Bentoniet, ned.)?
Bentonite ta un tipo di tera cu ta wordo uza den forma di lodo of klei. E klei aki tin un color shinishi scur y e ta contene un nivel halto di mineral cu yama calcium carbonato (CaCO3). E mineral aki ta e ingrediente principal cu ta crea perla y cocolishi
E klei di Bentonite ta antibacterial y e ta yuda bo detoxifica door di absorbe e metalnan pisa den bo curpa. E palabra “bentonite” ta referi na e luga di unda e klei ta origina: for di un formacion geologico cu a cuminsa 145 miyon aña pasa y ta wordo yama Benton Shale na p.e. e estado di Wyoming na Merca.
E manera cu e klei ta wordo forma ta parti di locual cu ta haci'e perfecto pa asisti den e sanacion di bo curpa. E klei di Bentonite ta contene as volcanico cu ta forma ora un volcan ta den erupcion y ta saca tera likido for di e centro di e planeta Tera. Ademas, e formacion ta cuminsa di e calor extremo cu na su turno ta crea particula carga cu vibracionnan di energia hopi halto y un nivel di pH cu ta permiti e klei pa atrae toxico.
E klei aki tin e habilidad pa atrae metalnan fuerte manera mercurio (Hg), cadmium (Cd), y plomo (Pb), tur ta ingredientenan comun den varios producto di limpiesa, den cuminda procesa y hasta den e aire cu nos ta inhala awendia. Tur e metalnan aki den un cantidad halto ta toxico pa tur ser bibo. Di mes manera cu e ta atrae metalnan, e klei di Bentonite ta deposita mineralnan vital tambe, cual ta yuda nos curpa. Esakinan ta: magnesium (Mg), calcium (Ca), hero (Fe) y potasium (K).
Pa e klei di Bentonite por traha efectivamente, duna bo higra y tur e otro organonan cu ta detoxifica bo curpa un boost cu un limpiesa natural.
Recomendacion
Crea bo dia perfecto y combina e Baño di Detoxifica Ful Curpa cu un sesion di e Baño di Calor Seco, un Masashi cu Energia of un masashi di Reflexologia di Pia.