Descripcion
E palabra "retiro" (retreat, eng. / retraite, ned.) ta nifica un espacio di solitud, kietud of un experiencia pa pa reflexiona. Den su forma basico, un retiro ta caracterisa pa un tempo fiho (ta varia entre un paar di ora te cu ful un luna) cu ta saca bo di bo rutina di bida diario cu e proposito pa reconecta bo cu bo ser interno pa un variedad di rason. Esaki por ta e.o. pa desaroyo spiritual**, pa studia of pa tuma un momento di solitud.
Un retiro ta representa un biahe intero, unda bo ta bay bek na bo curason pa haci un inventario, pa duna perspectiva y pa busca locual cu realmente ta importante den bo bida.
Na Moreu Facilitation & Healing Center, nos tin un facilidad amplio (localisa den un area keto y trankilo) unda bo por retira. Den un mundo cu no ta para keto, e unico cos cu bo kier awendia ta un momento pa haya bo mes atrobe, un momento di transformacion, kietud pa e curpa y alma, of descansa y reflexiona pa reconecta dinobo cu bo alma.
Pa ken e pakete aki ta?
Bo retiro di serenidad personalisa (pa 1 persona)
Na Moreu Facilitation & Healing Center, bo por crea e combinacion perfecto for di nos menu di servicio pa crea bo mesun dia completo of mitar dia di retiro. Cu esaki, bo por scoge kico bo curpa y alma mester. Bo ta desconecta completamente di e mundo externo pa por enfoca riba cultiva bo paz interno. Bo curpa ta experencia un sanacion profundo denter di e sanctuario di felicidad.
Bo no ta sigur cua servicionan bo kier of mester? Permiti nos pa crea e pakete perfecto di nos servicionan hopi bon recomenda, cu ta personalisa na bo necesidadnan individual.
Ta inclui:
Un programa di mitar dia (maximo 4 ora) ta inclu lo siguiente:
1 sesion di Training: un training di desaroyo enfoca riba cultiva e energia positivo, e.g. desaroya resiliencia emocional, excelencia personal y pensamento positivo.
Un cuminda light (opcion Vegetariano of Vegan ta riba peticion special).
1 of 2 sesion cu energia positivo cual bo por scoge di nos menu di servicio.
Actividadnan inclui:
Relahacion flotando den nos pool y jacuzzi energetisa.
Ta exclui:
Si abo ta localisa den exterior, e pakete aki ta exclui lo siguiente:
Pasashi y seguro di biahe.
Estadia.
Servicio di taxi.
Add-on opcional:
Personalisa bo retiro door di scoge entre e siguiente opcionnan extra:
Desayuno light (opcion Vegetariano of Vegan ta riba peticion special).
1 sesion di Innercise®: bo por scoge entre Simply Stretches, Mindful Movements of Walking Meditation
Extra sesion cu energia positivo di cual bo por scoge for di nos menu di servicio.
Un sesion di 2 ora di estudio pa dialoga riba topiconan e.o. spiritual**, filosofia, resiliencia emocional, proposito di ta hunto, y mucho mas.
Meditacion den naturalesa of Spiritual Island Tour® (solamente durante orario di 6:30am pa 8:30am).
Recomendacion:
Tuma contacto cu nos oficina pa asina nos yuda bo organisa e retire personalisa y perfecto pa bo crecement spiritual, mental y emocional.
** Aviso: Na Moreu Facilitation & Healing Center, nos ta consciente cu 'spiritualidad' ta completamente diferente cu 'religion'. E concepto di spiritualidad, cual nos ta di acuerdo cu ne ta ora bo bira consciente cu bo ta forma parti di algo mas grandi, bo ta conecta cu otronan y tur locual bo ta sinti, pensa y haci ta afecta tur otro sernan humano.