Descripcion
E palabra "retiro" (retreat, eng. / retraite, ned.) ta nifica un espacio di solitud, kietud of un experiencia pa pa reflexiona. Den su forma basico, un retiro ta caracterisa pa un tempo fiho (ta varia entre un paar di ora te cu ful un luna) cu ta saca bo di bo rutina di bida diario cu e proposito pa reconecta bo cu bo ser interno pa un variedad di rason. Esaki por ta e.o. pa desaroyo spiritual**, pa studia of pa tuma un momento di solitud.
Un retiro ta representa un biahe intero, unda bo ta bay bek na bo curason pa haci un inventario, pa duna perspectiva y pa busca locual cu realmente ta importante den bo bida.
Na Moreu Facilitation & Healing Center, nos tin un facilidad amplio (localisa den un area keto y trankilo) unda bo por retira. Den un mundo cu no ta para keto, e unico cos cu bo kier awendia ta un momento pa haya bo mes atrobe, un momento di transformacion, kietud pa e curpa y alma, of descansa y reflexiona pa reconecta dinobo cu bo alma.
Pa ken e pakete aki ta?
Retiro pa crea union familiar (maximo 4 persona)
Un retiro pa grupo, specificamente pa famia, ta enfoca riba sanea e relacionan y mehora e dinamica cu ta existi entre cada miembro di famia. E retiro ta cuminsa cu un sesion di desaroyo pa Union Familiar, unda cada miembro di famia ta ricibi e training na con pa conecta cu otronan na un manera spiritual. Despues, bo ta sigui cu e sesionan di energia spiritual pa relaha bo curpa y restaura bo alma, tur esaki por wordo scogi trempan for di nos menu di servicionan cu energia universal humano.
Nos ta flexibel, den e caso aki, pa adapta e retiro aki y ofrece e espacio pa gruponan chikito (p.e. di amistadnan, coleganan, etc.) di un maximo di 4 persona.
Retiro pa un grupo di 2
Nos tin e flexibilidad pa adapta e retiro aki pa un duo, p.e. abo y un amigo(a), abo y bo yiu, abo y un colega, etc. Tuma contacto cu nos pa nos por crea un programa personalisa.
Retiro pa gruponan mas grandi (di 4 persona of mas)
E grupo aki por consisti di, pero no ta limita na, un grupo grandi di famia of amistad. Tuma contacto cu nos pa crea un programa personalisa.
Ta inclui:
Un programa di mitar dia (maximo 4 ora) ta inclui:
1 sesion di desaroyo riba un tema special, e.o. union familiar, haya sa bo proposito den bida, comunicacion: mas cu palabra.
1 of 2 sesion cu energia universal humano cual bo por scoge di nos menu di servicio.
Un cuminda light (opcion Vegetariano of Vegan ta riba peticion special).
Pa maximo 4 persona.
Actividadnan inclui:
Relahacion flotando den nos pool y jacuzzi energetisa.
Ta exclui:
Si abo (y/of bo grupo) ta localisa den exterior, e pakete aki ta exclui lo siguiente:
Pasashi y seguro di biahe, Estadia, Servicio di taxi.
Cualkier otro sesion cu energia universal humano di nos menu di servicio (sin previo aviso).
Add-on opcional:
Personalisa bo retiro door di scoge entre e siguiente opcionnan extra:
Desayuno light (opcion Vegetariano of Vegan ta riba peticion special).
1 sesion di Innercise®: bo por scoge entre Simply Stretches, Mindful Movements of Walking Meditation
Extra sesion cu energia universal humano di cual bo por scoge for di nos menu di servicio (valido solamente pa un retiro pa 2 of maximo 4 persona).
Un sesion di 2 ora di estudio pa dialoga riba topiconan e.o. spiritual**, filosofia, resiliencia emocional, proposito di ta hunto, y mucho mas.
Meditacion den naturalesa (solamente durante orario di 6:30am pa 8:30am)
Spiritual Island Tour® (solamente durante orario di 6:30am pa 8:30am)
Recomendacion:
Tuma contacto cu nos oficina pa asina nos yuda bo prepara e retiro perfecto pa bo y bo grupo.
** Aviso: Na Moreu Facilitation & Healing Center, nos ta consciente cu 'spiritualidad' ta completamente diferente cu 'religion'. E concepto di spiritualidad, cual nos ta di acuerdo cu ne ta ora bo bira consciente cu bo ta forma parti di algo mas grandi, bo ta conecta cu otronan y tur locual bo ta sinti, pensa y haci ta afecta tur otro sernan humano.