E teoria di tras e practica di Shiatsu ta cu e curpa humano ta consisti di “Qi” of energia vital. Ora e energia aki ta blokia, nos ta sinti dolor, ansha of dolornan fisico. E masashi di Shiatsu ta enfoca pa remove e blokeo door di realinea e meridianonan den bo curpa.

Hopi interesante, Shiatsu no tur ora ta destina pa duna un boost na e nivel di energia di e persona. Tin biaha, tin cierto partinan di bo curpa cu tin demasiado “Qi’ y nos mester trece balans bek na esaki. Pa splica esaki den poco palabra, Shiatsu ta un masashi cu ta trece e balans apropia na e nivel di energia asina e curpa completo ta reahusta su mes y cumisa sanea naturalmente.

Kico ta e significado di Shiatsu?

E palabra “Shiatsu” ta e termino Japones pa “presion di dede”. Sin embargo, e masashi aki ta mas cu esey, incluyendo e presion di e palma di man, cu elleboog, cu e rudia y hasta e pia. E ta zona intenso, pero e ta diferente, un experencia dinamico. E ta un metodo completamente diferente cu lo tipico, mas popular cu masashi. Mas aun, e por ta mas relahante pa bo curpa y alma (dependiendo di e estado di e curpa di e persona).

 

Beneficionan

    • Mehora e forza di e curpa.
    • Alivia dolornan di e curpa como tambe cansancio cronico.
    • E ta yuda sanea malestarnan relaciona cu e sistema muscular, por ehempel, tension.
    • Alivia un nek stijf y shouders pega.
    • E ta trece alivio na dolor di lomba.
    • Resolve problema respiratorio.
    • Relahacion di e curpa cu ta bayendo door di un comienso di griep of keintura.
    • Reduci e efecto di insomnia.
    • Stimula e circulacion di sanger, e sistema limfatico y producion di hormonanan.

Kico ta pasa durante un masashi di Shiatsu?

Durante un masashi di Shiatsu, bo ta experencia varios aspecto di bo ser. E masashi riba su mes ta manipula e curpa, sin ningun instrumento externo, na un manera cu bo ta coregi condicionnan interno. E masashi aki ta stimula sanacion y ta trata cierto dolornan specifico. E masashi completo ta un combinacion di stretch, rotacion y presion riba bo curpa uzando e peso y energia di e curpa y alma di e terapista, respectivamente.

E diferencia entre un masashi regular y un Shiatsu

E Masashi di Energia ta trata ful e sistema muscular di bo curpa.  E masashi aki ta inclui movimiento di tur bo musculo pa relaja tensión. E sobo largo di e man, cariciando e musculo tambe tin un efecto terapéutico riba e sistema nervioso cu ta permiti e relajación di e curpa completo.

Di otro banda, un masashi Shiatsu ta usa presión di dede, e man, mokete, eleboog of e pia riba full e curpa. E ta focus tambe den stretch e body i rotación di e joints. E meta di Shiatsu ta pa desbloka e meridianonan major di bo curpa.  E uso di presión ta reajusta e flujo di energía den bo curpa y revitaliza tur e curpa

Con mi sa cua pa scoge...masashi of Shiatsu?

E ta depende kiko bo ta sinti y bo curpa mester. Si bo ta sinti bo hopi cansa y bo kier un masashi di manera cu bo curpa ta relaha y pa calma bo mente completamente, e ora bo por kies un Masashi Energetico.

Den caso cu bo ta sinti cu bo curpa tin un blokeo of desbalance y bo tin cierto dolor cu e masashi no a alivia, Shiatsu ta recomendabel. Shiatsu ta un masashi mas activo, unda comunicacion mester keda habri entre abo y e terapista. Bo curpa y ful bo sistema di energia ta wordo mov'i cu e stretches y rotacionnan. E Shiatsu ta aplicabel riba un curpa stijf y cu mester ayuda cu flexibilidad pa e por relaha.

Un poco historia

E masashi Shiatsu a wordo formalisa durante e aña nan 1940 na Hapon. Sinembargo, e practica di e masashi aki tabata existi pa hopi cyclo caba.  Desde 260 A.C., durante e Dinastia Han, e antiguo civilizacion di China y Hapon, a desaroya un tecinca pa aligea e meridianonan di bo curpa uzando puntonan di acupresion. Medicina y filosofia a wordo unifica pa trece gran beneficio na e bienestar general di un persona. Durante e siglo 16, e tecinca di Shiatsu den su forma introductorio a wordo desaroya. E tabata wordo yama “Anma” antes, pasobra e practica no a siqui desaroya. “Anma” a wordo clasifica como un medio pa relaha, ignorando e poder y beneficio cu ta yuda un hende cura despues di ricibi un tratamiento asina. Cu tempo e practica di “Anma” a cambia y “Shiatsu” a nace. Durante e comienso di siglo 20 e resultadonan positivo cu Shiatsu tin, relata na e sanacion di curpa y alma a wordo reconoci. Durante e aña nan 1960, Shiatsu a wordo oficialisa door di e regulador Hapones y nan ta e unico pais te aworaki cu ta incorpor'e den nan sistema di salud publico.

Recomendacion

Combina e servicio aki cu un Dry Heat Bath of un Watsu pa disfruta di e maximo beneficio cu Shiatsu por ofrece bo curpa y alma.