E aña aki cu tur su reto y cambionan a “trigger” cerca hopi hende locual nos conoce manera ansiedad, ansha, anshamento of “anxiety” (manera e hobennan ta yam’e). Tin cuater (4) factor cu ta relaciona cu ansiedad:
- genetica;
- balans kimico;
- eventonan di bida;
- bo personalidad.
E prome tres (3) factornan, bo no tin mucho influencia riba dje. Sinembargo, e factor personalidad ta completamente den bo man. Con abo ta wak cosnan di bida ora nan ta sosode? For di nos aspecto spiritual, ta bo alma ta determina con bo ta wak cosnan. P’esey, ora bo ta sinti bo mes ta ansha, hala rosea profundo cu e intencion di calma bo alma. Bo por papia cu bo mes y bisa bo alma pa tuma over. Inclui spiritualidad den momentonan di ansiedad y bo lo ripara e impacto cu esaki lo tin riba bo personalidad.
