Anuncio Importante (ultimo update 5 mei)

UPDATE di 5 mei 2020:

Relaciona cu e ultimo update cu a wordo duna di parti Gobierno di Aruba encuanto e situacion di COVID-19 na Aruba, Moreu Facilitation & Healing Center ta anuncia lo siguiente:

• Cuminsando dialuna, 4 di mei 2020, nos oficina ta habri di 8:00 am pa 1:00 pm solamente pa atende cu consulta individual solamente den e area di Training 1-on-1 y Coaching.
• Pa haci bo cita, yama of manda un Whatsapp na 5633716 pa nos por schedule di acuerdo cu e reglamento di distanciamento social y e orden di Samenscholingsverbod.
• Pa loke ta trata servicionan di sanacion manera masashi di curpa, reflexologia, Jin Shin Jyutsu, Shiatsu, Watsu y e uzo di sauna lo permanece sera te cu proximo aviso.
• Tur workshop, training, sesion di estudio of meditacion lo sigui online pa medio di ZOOM y nos lo crea espacio pa un cupo hopi limita den nos training room solamente pa esnan cu tin un motibo esencial pa tey en persona.

Si bo persona tin cualkier pregunta of ta interesa den participa den nos sesionnan online, por tuma contacto cu nos via Whatsapp na 5633716.

Nos lo sigui monitor cualkier update y noticia oficial y lo ta den contacto cu nos clientenan pa cualkier eventualidad.

Masha danki pa bo cooperacion y comprension y nos ta look forward na por sigui ofrece tur nos servicio pronto.

Gerencia