UPDATE di 2 juni 2020:
Relaciona cu e ultimo update cu a wordo duna di parti Gobierno di Aruba encuanto FASE 3 di e reapertura di nos economia local, Moreu Facilitation & Healing Center ta anuncia lo siguiente:
- Actualmente nos ta ofreciendo tur servicio bek, tanto di consulta individual como e servicionan di sanacion, e.o. masashi di curpa, reflexologia, etc.
- Por fabor, tuma nota cu nos orario di trabou a cambia. Nos oficina ta habri cuminsando 3 di juni, for di dialuna pa diabierna di 8:30 am pa 5:30 pm. Pa haci bo cita, yama nos na 5889920 of manda un Whatsapp na 5633716 pa nos por schedule di acuerdo cu e reglamento di distanciamento social cu ta vigente ainda.
- Dia 10 juni 2020, nos lo start bek cu nos meditacion di tur diaranson na Sero Lopez cu ta start 7:30 pm pa 9:30pm. Di acuerdo cu aviso di Gobierno y DVG, nos lo haci esaki pafo den nos patio pa asina acomoda e reglamento di “Social Distancing.”
Servicio online:
- Pa esnan cu ta desea di participa online, nos lo mantene e meditacion di tur diaranson anochi via ZOOM tambe disponibel.
- Tur workshop, training of sesion di estudio lo sigui online pa medio di ZOOM y nos lo crea espacio pa un cupo limita den nos training room.
Tur cliente cu tabata tin un afspraak den e luna di maart y april, por fabor, tuma contacto cu nos pa por schedule un afspraak nobo. Pa tur cliente cu ya tin un afpsraak pa e luna di juni, nos mes lo tuma contaco pa confirma e cita. Lastimanente, nos no por honra tur e citanan cu a wordo haci di antemano pa e resto di aña, mirando e situacion actual.
Bo tin mas pregunta?
Si bo persona tin cualkier pregunta of ta interesa den participa den nos sesionnan online, por tuma contacto cu nos via Whatsapp na 5633716.
Nos lo sigui monitor cualkier update y noticia oficial y lo ta den contacto cu nos clientenan pa cualkier eventualidad.
Masha danki pa bo cooperacion y comprension y nos ta look forward na por cuminsa di nobo y sigui ofrece tur nos servicio di un manera safe y sigur pa nos cliente y nos staff.
Gerencia
