Traha un cita

  1. Tur cliente tin e opcion di traha un cita via telefon 5889920 of via Whatsapp na 5633716. Tuma nota cu e cita aki ta reserva un espacio den nos agenda exclusivamente pa bo.
  2. Fecha y orario di e cita ta segun disponibilidad di e terapista. Solamente casonan di urgencia real, cu aprobacion di e terapista, ta haya excepcion.
  3. Tur cliente ta haya un recordatorio 48 ora prome cu e fecha y orario di su cita. E recrodatorio ta inclui: fecha y ora di cita, prijs y metodonan di pago, e polisa di cancelacion.

Cancelacion di bo cita

  1. Tur cliente tin e oportunidad pa haci cambio of cancelacion entre 24 pa 48 ora (1 pa 2 dia) prome cu e fecha y ora di su cita.
  2. Esaki ta sosode libremente via telefon 5889920 of via Whatsapp na 5633716.

Cancelacion laat of “no show”

  1. Un cancelacion ta wordo considera laat ora cu esaki sosode menos di 24 ora prome cu bo cita.
  2. Un cita ta wordo considera “no show” ora e cliente ta keda sin presenta na su cita, sin a haci cancelacion.
  3. Den tur dos caso, sea ta cancelacion laat of no ta presenta, nos ta procesa un tarifa di Afl.50,- pa traha un cita nobo (“rebooking fee”).
  4. Un cita nobo ta wordo poni den nos agenda, segun disponibilidad, despues cu e tarifa di cancelacion wordo paga.
  5. Den e caso di un urgencia real, e tarifa aki ta wordo elimina cu aprobacion di gerencia.
  6. Den caso cu e cancelacion di un cita ta sosode di parti di nos pa un motibo of otro, e tarifa ta wordo elimina. Un cita nobo ta wordo proponi libremente, segun disponibilidad.

Yegamento laat

  1. Ora cu bo ta 10 minuut laat of mas, e chens ta grandi cu nos no ta logra acomoda bo mas den nos agenda. Den e caso aki, e tarifa pa traha cita nobo ta wordo aplica.
  2. Un cita nobo ta wordo poni den nos agenda, segun disponibilidad, despues cu e tarifa di cancelacion wordo paga.

Bo tin pregunta?

Tuma contacto cu nos na oficina pa cualkier pregunta relaciona cu nos polisa di cancelacion.