Moreu Facilitation & Healing Center ta specialisa den desaroya y coach hende na biba felicidad berdadero cu un sonrisa sincero riba nan cara.

Pa por logra e meta aki, nos a crea e programa di Felicidad y Bienestar. E proceso aki ta consisti di un serie di sesion di Desaroyo 1-on-1 (training personalisa) pa adultonan 18+. Cada sesion ta enfoca riba siña bo con pa concentra y dirigi bo mente pa crea pensamentonan positivo y con pa maneha bo emocionnan eficientemente.

Un version special di e programa di Felicidad y Bienestar a wordo crea pa coach muchanan (9-11 aña), adultonan 18+ y tambe pa pareha.

Ki tipo di proceso di desaroyo nos ta ofrece?

Nos proceso di desaroyo ta inclui e crecemento gradual basa riba un serie di accionan positivo cual ta wordo practica y aplica pa logra un resultado particular. Den e caso aki, e resultado ta un mente calmo, un mente positivo, desaroyo mental y spiritual.

Kico ta e beneficionan di e programa di formacion pa hoben? 

E beneficio primario di e programa di formacion ta inclui:

  • Sabiduria: un hoben cu ta desaroya autoconocemento y habilidadnan intrapersonal, ta uza sabiduria pa tuma desicionnan sabi. 
  • Ta traha duro: un hoben cu ta tuma accion, no pasobra e ta wordo bisa of manda pa haci, pero pasobra e ta compronde su proposito den bida. 
  • Ta kere den su mes: e hoben ta cultiva confiansa y ta kere den su mesun habilidadnan.
  • Optimismo: e hoben ta siña pa semper busca e banda positivo den tur cos.
  • Comprondemento y compasion: e hoben adolescente ta siña habilidadnan interpersonal pa asina e compronde otronan y haci un contribucion den bida.  
  • Amor di Berdad: e hoben ta siña stima su mes y stima otronan, pasobra e ta compronde con pa stima di berdad.

Kico e hoben ta siña durante e sesionnan aki? 

E ta siña desaroya su habilidadnan intrapersonal, e.o. amor, tin un mente habri, ta consciente di y cambia su mesun pensamento, cultiva e habilidad pa siña mas lihe, tin e capacidad pa compronde y maneha su mesun emocion, ta kere den su mes, tin disciplina, ta motiva, tin pasenshi, ta resiliente, pa tuma iniciativa, ta traha independiente, ta persistente, tin un actitud positivo y sa con pa pone e prioridadnan corecto.

E ta bira consciente di con e ta procesa informacion, y e ta cuminsa studia segun su manera di interpreta informacion y con e ta wak mundo. 

Con e hoben ta cambia despues di ricibi e coaching? 

  • E resultado por wak riba un base diario den e comportacion di e hoben. E tin mas comprondemento, ta mas positivo y optimista.
  • Mas ainda, e tin mas confiansa y por lo general, e ta un persona cu tin un actitud mas placentero.
  • Referente na skol y studia: e hoben ta bira un miho studiante pasobra e ta compronde pakico e mester studia y con e tin cu studia na un manera mas acelera y mas efectivo.

Ken ta beneficia di e programa aki?

Un hoben cu ta sinti cu e por haci mas, pero no sa con pa haci'e.

Tocante e sesionnan pa mucha

Un version adapta di e programa menciona ariba a wordo crea pa asina desaroya muchanan entre 9 pa 11 aña di edad. Mayornan por tuma contacto cu nos pa haci un cita.

Recomendacion

Ta wordo altamente recomenda pa hobennan participa den e programa di Energia Universal Humano® hunto cu nan mayornan pa asina saca e maximo beneficio di e programa aki.