Na Moreu Facilitation & Healing Center, nos a cuminsa tuma nota cu mas y mas nos clientenan ta buscando un lugar y un forma apropia pa reconecta cu nan mes. E aña 2020 a trece cu ne hopi cambio, hopi tension, hopi incertidumbre. Pero mas cu tur, e la trece cu ne e reto di busca sentido pa tur loke nos ta bibando actualmente na mundo, pa busca sentido di nos mesun bida. Ki sentido e tin pa no por brasa otro? Pa no por saluda cu un “handshake”? Pa tin cu sconde nos sonrisa tras di un tapaboca? Pa cera nos mes den cas of den espacionan cu personanan cu nos a kere cu nos tabata conoce, djis pa realisa cu nos ta manera hende straño bibando bou di e mesun dak.
Nos a ripara, na Moreu Facilitation & Healing Center, cu hende kier conoce nan mes miho, compronde nan mes miho y kisas asina por saca sentido di tur locual cu e aña aki a trece cu ne. Cera paz interno, biba den serenidad sin importa kico ta pasando pafo. E temponan aki, nos cliente ta buscando mas pa bin tuma retironan spiritual, retironan personal di mitar dia of henter dia, pa reflexiona, medita, haci un sauna, tuma un masashi di ful curpa, sinta den jacuzzi, laga e biento caricia su curpa y laga tur tension mental completamente los pa por wak claramente atrobe kico ta e sentido di tur cos. Den e temporada aki, e ta importante pa haci bo retiro personal y nos tin e espacio ideal y apropia, cumpliendo cu tur e exigencianan di higiena y alaves rondona pa un naturalesa impecabel, den un ambiente cu un energia di un vibracion cu ta recarga bo, revitalisa bo y reconecta bo. Tur hende ta wardando pa 2020 pasa cu speransa cu cosnan lo cambia dimes. Nos di Moreu Facilitation & Healing Center kier invita bo pa bo tuma un tempo pa retira y bay den bo mes y ta un agente di cambio na un manera proactivo.
Clik aki pa lesa mas tocante nos retironan personal.
