Manera boso sa, M.E.L. Aruba ta un di e Centronan di mas activo mundialmente. Durante e desaroyonan rond di Coronoavirus cu a start na China, despues a sigui pa Europa y djey pa resto di mundo, incluyendo Aruba, M.E.L. Aruba a sigui reuni online pa studia, practica y aplica cu su studiantenan di tur nivel. Den e periodo aki ta importante pa un Nivel Basico practica su tecnicanan y aplica su halamento di rosea pa keda calmo. Tambe, nos ta encurasha e Nivelnan Basico pa lesa y studia e filosofia di e nivel aki. Pa Nivelnan Intermedio, nos a organisa un les net prome cu Aruba a drenta Shelter-in-Place. Esaki a duna oportunidad pa mas hende haci uzo di nan Chakra 6 pa transmiti energia riba distancia. Pero tambe, esaki a yuda pa mas hende repasa e tecnicanan pa por aplica miho den e temponan aki.
Pa e nivelnan mas avansa, y sigur pa e nivel mas halto di nos scol, nos a studia na un manera consistente y consecuente pa saca sabiduria y pa contribui cu un miho energia den e aire. Nos conclusion ta manera nos a siña for di Nivel Basico, cu tur cos ta energia. No ta existi energia negativo of “cosnan malo”. Loke cu ta existi ta energia di un vibracion abou of di un vibracion diferente.
Pa loke ta trata e Coronavirus, nos por wake manera un energia cu nos curpa y nos sistema inmunologico no ta custumbra na dje. P’esey, e la afecta humanidad den e forma cu e la haci esaki. Cu e practica y aplicacion di Energia Universal y Humano, nos tin tur instrumento pa fortifica nos sistema inmunologico y di otronan. Tambe, nos por hisa e vibracion di cualkier organismo cu nos curpa no ta custumbra na dje. Ta importante si pa nos semper corda cu nos ta haci esaki pa henter humanidad. Ni den curpa, ni den alma, nos no ta separa. Abo como studiante y practicante di Energia Universal por haci un diferencia grandi pa e totalidad. Reuni cu nos tur dia via Zoom pa un meditacion global pa trata cu tur situacion urgente cu ta pasando na mundo actualmente. Uza Zoom ID 408-004-642 pa 1:00 pm ora di Aruba.
