E aña 2020 a resulta di ta un aña cu hopi sorpresa. Manera algun di boso por sa, na comienso di aña, MEL Aruba hunto cu HUE FACULTY® y M.E.L. India tabata den pleno organisacion pa un evento unico den su forma cu lo a tuma luga 26 di september pa 3 di oktober 2020. Nos di MEL Aruba ya a cuminsa preparacion pa biaha cu un grupo di studiante pa Tamilnadu, India. Caminda cu nos lo a reuni cu studiantenan di tur nivel den e scol y di tur parti di mundo pa studia hunto, pa reconecta pa sigui yuda humanidad. Na final di e evento aki, nos lo a celebra tambe e prome aniversario cu e unico Antena Grandi a ser inaugura na India. Sinembargo, cosnan ta bayendo diferente y despues di hopi deliberacion mester a cancela e evento en persona y crea oportunidad pa bini hunto online.
Pa medio di esaki, MEL Aruba ta desea di extende un invitacion personal na cada studiante di Energia Universal pa participa dianan 26 y 27 di september venidero.
Bo participacion na e evento unico aki ta di gran importancia pasobra e lo significa e prome biaha desde e reunion di mas cu 6000 participante cu a tuma luga na Suisa na aña 1999, un reunion cu e maestro y fundado di nos scol, Luong Ming Dang, a organisa pa tur nivel di Energia Universal “tene man” y yuda humanidad na gran escala. Manera bo por a ripara, despues di e reunion ey, mundo henter a conoce cambionan grandi den diferente aspecto. Mas tanto den e aspecto di mentalidad y desaroyo spiritual. Desde aña 2000 por a nota cu mas y mas hende, ful rond di mundo, sea pa motibo di stress, crisis personal of crisis global, a haya nan mes ta bay busca pa desaroya nan spiritualidad. E aña aki, MEL Aruba hunto cu HUE FACULTY® y M.E.L. India, ta organisando e reunion aki pa fungi como catalisador di cambionan positivo. Cambionan cu por trece solucion na situacionnan cu ta parce di no tin solucion. P’esey, e no ta importa ki nivel bo a alcansa, tampoco ki aña bo a tuma un les di Energia Universal. Ni sikiera ta necesario pa bo ta practicando consistentemente. Locual cu ta importa ta cu bo consciencia ta habri, bo tambe a conoce e alineacion di chakra na 100%, abo tin un curason sincero y bo a nace pa contribui den e temponan aki.
Tuma contacto cu nos lo mas pronto cu ta posibel pa abo inscribi pa participa dia 26 y 27 di september venidero. Na MEL Aruba nos ta ofrece 2 opcion, tumando den consideracion di distanciamento social, nos lo reuni den persona un cantidad chikito di studiante na Aruba Surfside Marina. Aki, Belquis Moreu lo tey presente como un di e panelistanan di e evento di India. Tambe por participa na e evento aki online, via Zoom, desde e comfortabilidad di bo mesun cas.
Wak esaki manera bo oportunidad pa contribui y haci un diferencia cu e instrumento cu bo alma mes a yega di trece bo na dje.
