UPDATE di 25 mei 2020:
Relaciona cu e ultimo update cu a wordo duna di parti Gobierno di Aruba encuanto FASE 2 di e reapertura di nos economia local, Moreu Facilitation & Healing Center ta anuncia lo siguiente:
Servicio cu por start bek:
- Manera indica den e ultimo anuncio di 5 mei 2020, nos oficina ta habri dialuna pa diabierna di 8:00 am pa 1:00 pm pa atende cu consulta individual solamente den e area di Training 1-on-1 y Coaching individual.
- Pa haci bo cita, yama of manda un Whatsapp na 5633716 pa nos por schedule di acuerdo cu e reglamento di distanciamento social cu ta vigente ainda.
- Dia 10 juni 2020, nos lo start bek cu nos meditacion di tur diaranson cu ta start 7:30 pa 9:30pm. Di acuerdo cu aviso di Gobierno y DVG, nos lo haci esaki pafo den nos patio pa asina acomoda e reglamento di “Social Distancing.”
Servicio online:
- Como parti di e restructuracion di nos servicio den e “normal nobo”, nos lo mantene e meditacion di tur diaranson anochi via Zoom tambe.
- Tur workshop, training of sesion di estudio lo sigui online pa medio di ZOOM y nos lo crea espacio pa un cupo hopi limita den nos training room solamente pa esnan cu tin un motibo esencial pa tey en persona.
Servicio cu ta pending ainda:
- Pa loke ta trata tur e servicionan di sanacion na cual nos staf ta bin den contacto directo cu e cliente, manera masashi di curpa, reflexologia, etc., tur esaki lo start bek te cu proximo aviso.
Bo tin mas pregunta?
Si bo persona tin cualkier pregunta of ta interesa den participa den nos sesionnan online, por tuma contacto cu nos via Whatsapp na 5633716.
Nos lo sigui monitor cualkier update y noticia oficial y lo ta den contacto cu nos clientenan pa cualkier eventualidad.
Masha danki pa bo cooperacion y comprension y nos ta look forward na por sigui ofrece tur nos servicio pronto.
Gerencia
