Sanea Cu Energia

Dry Heat Bath

Siña conoce bo mes miho y mehora bo calidad di bida door di stimula e fluho di energia vital bek den ful bo curpa.

KICO TA ENERGIA PSICOLOGICO?

Energia Psicologico of Medicina Energetico ta tecnicanan cu ta uza e puntonan energetico y meridianonan cu ta core den ful nos curpa. E Energia Psicologico ta e actividad di energia cu tin rond di bo y cu ta afecta bo psicologia. Esaki ta e totalidad di tur e Sernan cu abo ta kere den dje, e energia di mata, animal, guianan y tur e influencia di e mundo electronico cu tin den nos aire. Mayoria di biaha, e actividadnan aki ta crea e malesanan cu nos ta biba cu nan. Tur e ondanan electromagnetico ta afecta bo sistema di energia cual ta crea tension den bo campo di energia. E tension aki ta manifesta su mes den malestarnan fisico, mental y emocional.

Ora di promove e bienestar di curpa, mente y curason, bo por mantene y hisa e nivel di energia bio-energetico pa sanea bo curpa fisico. Asina bo ta biba cu dinamismo y plenitud. Na MFHC, abo ta liber na scoge e sesion(nan) for di nos menu amplio di servicio:

Sesion di Energia

* FOOT DETOX BATH: Reduci tension y saca tur toxico for di bo curpa simplemente door di trata e plantanan di pia den awa energetisa cu mineralnan natural.

* INVERSION & ACUPRESSURE THERAPY: Alivia tur dolor di lomba door di posiciona bo mes na un nivel unda tur e peso di bo curpa ta wordo kita for di bo rudia, enkel y pianan.

* REIKI HEALING: Trece sanacion pa dolornan di bo curpa fisico, pa cansancio mental, sobrecarga di emocion y pa ayudo spiritual. E metodo di sanacion natural aki ta uza "Ki" pa trece balanse interno na un manera suave.

* DRY HEAT BATH: Saca tur toxico for di e celnan di mas chikito den bo curpa uzando e tecnologia unico na Aruba di "infrared sauna". Reprograma bo mente mientras bo ta sinta den un calor sutil y terapeutico pa tonifica bo curpa.

* JIN SHIN JYUTSU: Alivia malestar, tur dolor fisico y mental door di trata e locknan di energia vital ("Safety Energy Locks") cu ta blokia y asina stimula e fluho bek den nos curpa.

* FULL BODY DETOX BATH: Stimula un miho circulacion y asisti bo curpa pa laga los di tur sushedad door di submergi bo mes den awa energetisa pa rejuvenece cada porio di e organo di mas grandi: bo cuero.

Masashi di Curpa

* MASASHI BIO-ENERGETICO DI FUL CURPA: Duna bo mes e privilegio di laga los di tur blokeo fisico, mental y emocional. Masashi ta un combinacion di "Sport -" y "Relax Massage" uzando energia.

* REFLEXOLOGIA DI PIA: Yuda bo organo, nervio y glandulanan funciona mas miho door di mehora bo curpa su habilidad pa autosanacion. Esaki door di pone presion riba e puntonan di reflex bou di e plantanan di pia.

* SHIATSU MASSAGE: Masashi intenso cu ta stimula e fluho di energia vital den ful bo curpa pa promove sanacion completo.

Sesion den Pisina

* AWA REFLEXOLOGY: Mehora bo concentracion y relaha bo musculonan door di flota den awa mientras ta trata e plantanan di pia.

* WATSU: Cultiva confiansa den bo mes y den otronan door di laga bo mes wordo carga den awa uzando movecion y masashi sutil pa relahacion profundo.

* AWA REIKI: Experencia cero gravedad y un mente calmo door di flota riba awa aplicando Reiki pa relaha e curpa fisico.

 

CON TUR E SESIONNAN ENERGETICO AKI TA YUDA BO?

Nos ta energia, prome cu tur cos. Mescos cu bo ta cuida bo salud na nivel biologico, mescos bo tin cu compronde cu bo calidad di energia tambe mester wordo cuida. Bo vitalidad y salud ta depende di e balanse cu tin na e nivel di energia. E meridianonan di nos curpa ta e canalnan principal den cual e energia vital ta circula atraves di nos ser. E cantidad di fluho di energia pa cada cel y cada organo ta esencial pa mantene e campo di energia rond di bo y den bo curpa cu'n vibracion halto. Un persona cu'n circulacion optimal di energia ta un persona saludabel di berdad: sin tension y un mente calmo den tur momento.

 

Nota: sesionnan cu MFHC ta ofrece no ta pa diagnostica ningun malestar of dolor, ni tampoco ta substituto pa e medicina tradicional. Por fabor, consulta cu bo dokter di cas pa cualkier duda den bo estado fisico.