Cumpliendo cu tur rekisito pa por sigui ofrece nos servicio, tanto na clientenan local pero tambe internacional, nos na Moreu Facilitation & Healing Center tambe a tuma e medidanan necesario pa ricibi e seyo di Aruba Health & Happiness Code.
Actualmente, nos tin e seyo di pre-aprobacion y tin tur medida na ordo pa por finalisa e proceso y ricibi e seyo di oro. Pa loke ta trata e aspecto di salud, berdad mester a pone atencion adicional encuanto distanciamento social y extra medida di higiena. Sinembargo, nos ta hopi consciente pa loke ta trata salud di berdad. E tin di haber cu e sistema inmunologico di e curpa y loke cu ta impacta e sistema inmunologico, mas tanto, tin di haber cu (1) con calmo e sistema nervioso di e hende ta, (2) con feliz e hende ta sinti, y (3) con lihe e hende ta asimila e cambionan na nivel di energia. P’esey cerca nos, na Moreu Facilitation & Healing Center, nos ta tuma medidanan adicional pa yuda e sistema nervioso ta calmo den e temponan aki, pa comparti dicha pa e hende ta mas feliz y pa crea un ambiente, un energia sutil, cu e curpa por adapta facil na dje.
Awor nos por papia di un “Happiness Code” tambe. Pa nos, “happiness” no ta djis un palabra. E mester tin contenido. E tin di haber cu e conexion entre curpa y alma. Si e alma ta trankilo y por ehecuta su mision, y e curpa ta un instrumento cu no ta duna resistencia, nos por papia di un sistema nervioso calmo, nos por papia di felicidad. Felicidad di berdad. P’esey na Moreu Facilitation & Healing Center, nos ta trahando pa tin e seyo di oro den e spiritual y tambe den e material. Ta nos recomendacion pa esaki sosode den cada organisacion, cada cas, cada famia.
