Esencia
Resumen di programa 407 te 409
E siman aki nos a start na dialoga tocante e tema di gratitud. E perspectiva di aprecia tur loke cu bo tin caba. Nos a bay mas den profundo cu e “perspective frequency” cual ta un energia. Sinembargo, bo mester di energia pa cambia con bo ta wak cos. Bay for di wak fout pa wak tur loke ta bon y corecto. UNabes bo tin gratitud, bo no por tin scarcedad.
Nos a comparti un quote di Maya Angelou, cu ta bisa: “Haci bo best y busca pa sa miho. Ora bo sa miho, haci miho.”
Tambe nos a dialoga riba un otro pilar di dicha cu ta generosidad. Esaki a wordo saca for di e buki “The Book of Joy“. E dialogo a hiba nos den e tema di con pa cultiva un spirito generoso? kico ta interdependencia? con pa reenforsa otro?
Ora bo ta duna dicha na otro, bo ta saca mas dicha. Esaki ta hiba nos na e topico importante di pone hopi enfasis den e felicidad cu abo ta capaz di duna.
Clausura di siman
Pa clausura e tema di “Kico ta dicha?”, nos a puntra varios oyente pa duna nan perspectiva. Den poco palabra, nos por conclui cu dicha ta un “super power“, e ta un forsa, un energia cu abo y ami por radia. Na prome luga, e ta “reset” y calma bo sistema nervioso completo y despues e ta impacta tur rond. E ta importante pa ta sincero den loke bo ta expresa na otro si.
Bo no por uza e pilarnan di perspectiva, aceptacion, gratitud y generosidad si bo tin un warehouse mental yen di pensamento. Bo mester yena bo mes cu aspectonan di e 4 pilarnan aki y alaves inclui bo alma pa yuda bo genera nan.
Haci afirmacion sabi
Cuminsa bo afirmacion cu e totalidad y inclui e Alma, por ehempel; “Humanidad ta biba den mi”.
Bo kier investiga mas?
Lesa “The Book of Joy: Lasting Happiness in a Changing World ” di autornan Dailai Lama, Desmond Tutu y Douglas Carlton Abrams (Avery, 2016).
E siman aki nos a menciona tambe e buki “Tattoos from the Heart” di autor Gregory Boyle (Free Press, 2011).
