Mi ta sigur cu tur cos tin su momento, y na momento cu poco poco e ultimo programa positivo di mainta a cuminsa yega su final, e la bira mas cu claro cu si nos kier haci un programa di radio, e mester ta den e estilo cu nos ta traha y nos ta biba. Aki na Moreu Facilitation & Healing Center, nos niun no ta DJ, sinembargo tur dia, pa mas o menos 20 aña caba, nos ta facilita training y nos ta haci coaching. Kizas nos a hala mucho leu di nos esencia y a bai pone demasiado atencion riba e cancion, e ritmo of palabra positivo, mientras cu loke nos tabata desea di haci ta edifica, coach, interactua y crece hunto cu nos audiencia.
“Creando Dicha” ta nomber di e programa cu ta bay ser presenta den e formato cu nos semper a desea. Mirando cu nos a pasa den diferente experiencia cu radio caba, nos a dicidi pa tene cuenta cu tur e siñansa cu nos a ricibi di e programanan di pasado. Por ehempel, “Creando Dicha” lo ser presenta pa un cierto periodo di aña y cu tres programa pa siman. Nos lo haci tur esfuerzo pa presenta e programa dialuna, diaranson y diabierna pa 8:30 di mainta, sinembargo nos lo enfatisa mas tanto e grabacion di nos programa cu lo ta disponible na cualkier momento di dia, via nos website. Nos lo prepara preguntanan constructivo pa nos oyente por contesta cu ta yud’e reflexiona mas profundo y nos lo comparti material pa lesa, pa asina nos oyente por keda bon informa.
E di 4 temporada di Radio Positivo yama “Creando Dicha”. Clic aki pa scucha e grabacion di programa #1 (3 febr 2020)
