Recientemente nos a wordo introduci na un ehercicio chines cu ta yama Falun Dafa. Nos a cuminsa practica esaki tur mainta pa 5:30am na Nikki Beach. E la cuminsa den dianan cu tabata liber y nos a pensa cu esaki lo ta temporario. Pero a resulta cu danki na e practica aki, nos a cuminsa biba bida cu plenitud atrobe.
Imagina bo mes ta lanta mainta trempan bou di luna yen, canto di lama ta disfrutando di e splendor di e luna riba e superficie di awa. E quietud di e amanecer, e aire fresco ta caricia bo curpa y de vez en cuando, un chispa di awacero. Ta manera cos cu bo ta sinti bo curpa ta bini bek na bida. Despues bo ta lanta y haci bo ehercicio, algun movecion cu en principio ta masha simpel, pero cu en realidad ta haci un impacto profundo ariba bo curpa, mente y curason.
Plenitud
@MentePositivo
Check out nos pagina di Instagram pa bo habri bo dia cu inspiracion positivo tur mainta.
Despues, bo ta sambuya na lama, come un dushi desayuno cu bo pianan den santo blanco y bo ta realisa cu esaki ta biba bida cu plenitud.
Si abo tambe ta desea pa experencia esaki, sinti bo liber pa join nos tur mainta den siman 5:15am entre Nikki Beach y Neftali Park. Participacion ta gratis.
**UPDATE 2 februari 2020: Join nos pa Falun Dafa na Moreu Facilitation, tur dialuna di 7-8pm. Participacion ta keda gratis.**
