E invitacion a yega na mi. Mi ta corda den e temponan aya cu hopi dificultad mi por a asisti encuentro den un lugar cu grupo di hende mi so, door di mi ansiedad. Mi amiga cu tawata sa esey a ofrece cu e lo compaña mi pa e les di basico. Riba dia di les basico mi a yega cu ne den su auto, mi ta corda e la para net dilanti di centro riba un subida halto di santo. Awel mane mi a baha for di auto mi a slip bin a bou. Yen di berguensa mi a lanta para y haci mane nada no a pasa, bati e stof di mi jeans y cana bay paden hunto cu ne contento niun hende a wak loke a pasa. Pa mi sorpresa e prome cos cu mi amiga ta puntra dilanti varios hende presente den sala mane e la wak Belquis ta kiko kiermen cu mi a slip cay abou dilanti centro. Mi por a muri di berguensa. Esey ta un pret cu te dia di awe nos ta hari.
E di dos momento cu nunca mi lo lubida di e dia ey ta loke mi a sinti na momento cu mi a drenta paden den e klas y e les a cuminsa. E la sinti mane mi ta unda mi mester ta. Mi a sinti un pas interno. Un trankilidad manera nunca antes.
Pa añas mi tawata en busca di algo pa yena e bashi cu mi tawata sinti paden. Cuanto di nos no a yega di sinti esey? Bo tin curiosidad pa siña mas di spiritualidad. Bo kier sa ki bo proposito na mundo aki ta. Dicon bo ta sinti bo no ta fit in. Dicon tin tanto sufrimento na mundo y si tin algo cu bo por haci pa haci un diferencia.
Mi a busca divinidad, e amor di Dios, tur caminda pa yena mi pero ta mane unda cu mi a bay mi ta haya e palabranan pero falta algo mas. E algo cu mi no por a difini. Awor danki na e lesnan mi ta realisa cu loke tawata falta ta e accion tras di e palabranan. Djis palabra no ta yuda haci un diferencia. Mi a siña un tecnica cu mi por a usa den e momento pa ta calmo, pa yuda mi mes simultaneamente yudando tur otro hende. Mi a compronde mi proposito. Mi por afirma cu mi ta sinti mas calmo y mi ansiedad no ta domina mi mas manera antes. Mi tin hopi gratitud.
Studies cu scol ta organisa a yudami habri mi mente riba hopi topico. E tres pilarnan di scol ta fundamental. Mi ta facina cu cada bes mi ta siña y compronde algo nobo den cada les. Tur les ta diferente y bo ta capta algo otro. Y ta ilustra e importancia di keda audit tur e nivelnan. Energia universal ta dinamico.
