Stichting MEL Aruba, den colaboracion cu Moreu Facilitation & Healing Center, ta specialisa den sostene y desaroya e Studiantenan di EUH na Aruba pa yuda nan desaroya sabiduria y iluminacion atraves di spiritualidad door di studia, practica y aplica e tecnicanan di EUH y biba e filosofia den bida diario. Studiantenan ta wordo guia pa nos Facilitadornan di EUH kende ta oficial y autorisa.

Pa por logra e meta aki, nos a crea un proceso di desaroyo individualisa pa coach tur studiante di EUH cu ya caba a gradua por lo menos e 01-HUE Nivel Basico pa yuda nan den e uzo di nan tecnica di nivel specifico. Sesionnan adicional ta depende riba e necesidad individual di cada studiante di EUH. E programa di desaroyo aki a wordo inspira pa e programa di coaching oficial cu a wordo crea pa HUE FACULTY®

Ki tipo di proceso di desaroyo nos ta ofrece?

Nos proceso di desaroyo ta inclui un crecemento gradual basa riba un serie di accionnan positivo cual ta wordo practica y aplica pa logra un resultado particular. Den e caso aki, e resultado ta un mente calmo, un mente positivo, desaroyo mental y spiritual.

Kico ta e beneficionan di e sesionnan di HUE Coaching?

E beneficionan principal di e HUE Coaching ta:

  • Bo ta revisa e tecnicanan di bo nivel specifico.
  • Bo ta practica y aplica cu e Coach pa asina bo por siña y ricibi e manera corecto di haci transferencia di energia segun bo nivel.
  • Bo ta ricibi un ahuste di energia pa asina bo por aplica bo tecnicanan mas eficiente y efectivo.
  • Bo ta empodera pa uza bo nivel di EUH pa haci un diferencia den bo mesun bida y di otronan.

Ken por beneficia di e proceso di desaroyo aki?

E programa aki ta wordo uza pa studiantenan di HUE cu (1) a laga e skol di HUE hopi tempo pasa y awo ta desea di cuminsa bek cu nan practica, (2) kende a yega di tuma e 01-HUE Nivel Basico of mas halto pero no a practica y aplica nan tecnicanan pa mas cu 2 aña caba, y (3) kende a tuma e 01-HUE Nivel Basico of mas halto pero ainda tin preguntanan tocante e filosofia di EUH y/of kende kier repasa su tecnicanan prome cu continue cu e siguiente nivel di EUH.

Recomendacion

Bo ta wordo recomenda pa uni bo mes na eventonan organisa pa Stichting MEL Aruba of HUE FACULTY® relaciona cu e programa di Energia Universal Humano pa asina sostene y continua bo proceso di evolucion pa tin sabiduria y iluminacion.