Informacion Legal

 

ultimo version: 1 juni 2016

Bonbini na e informacion legal, terminonan di privacidad y uzo pa e website di Moreu Facilitation & Healing Center (MFHC). E meta principal cu e website aki ta pa informa y educa tocante nos servicionan. Tambe ta e meta pa duna tur usuario e oportunidad pa comparti nan experencia, haci pregunta, duna comentario y sugerencia pa medio di nos Blog y e formulario di Contacto.

Responsabilidad

Tur contenido riba e website aki ta propiedad di Moreu Facilitation. Unda cu tin excepcion ta wordo indica cu'n notificacion, cu Copyright of Trademark oficial. MFHC ta para responsabel solamente pa e contenido cu tin riba e website aki, cu ta fungi como medio pa informa y educa. Si bo tin cualkier duda of pregunta di locual bo ta lesa den e texto, wak riba un potret of scucha riba un video cu a wordo comparti riba nos website, por fabor, tuma contacto cu nos oficina na telefon +(297) 588-9920 of pasa personalmente pa un splicacion mas profundo. MFHC no ta para responsabel pa conclusion erroneo, mal interpretacion of ignorancia encuanto e contenido riba e website aki.

Tocante nos Servicionan

MFHC y su ekipo ta specialisa den ofrece servicionan pa sanea e curpa, mente y curason cu energia. Tur contenido riba nos website ta pa informa y educa. E sesionnan cu MFHC ta ofrece no ta pa diagnostica ningun malestar of dolor, ni tampoco ta substituto pa e medicina tradicional. Por fabor, consulta cu bo dokter di cas pa cualkier duda den bo estado fisico.

Polisa di Privacidad

Ora bo tuma contacto cu nos, nos ta colecta e informacion cu abo ta comparti y co nos ta haya necesario pa asina mehora nos ekipo, servicio y atencion pa tur nos clientenan. Nos ta tuma bo privacidad na serio. MFHC no ta comparti ningun informacion cu ningun organizacion bou di ningun circunstancia. Cualkier excepcion den e clausula aki, p.e. den casonan hudicial cu leynan local aplicabel, asina mes MFHC ta haci tur esfuerso pa determina e urgencia di e cooperacion aki prome cu comparti cualkier informacion priva.

Aceso na informacion ta solamente visibel pa e miembro(nan) di nos ekipo cu necesidad na e contenido pa haci cambionan interno y logra nos meta final.

Termino di Uzo

Considera e website aki un espacio unda nos tur ta forma parti di e comunidad di positivismo pa mehoracion personal. MFHC ta reserva tur derecho pa tuma e desicion final na publica cualkier contenido cu e usuarionan di nos website ta comparti. Tur contenido cu ta wordo considera inapropia, ta wordo blokea dibiaha. Un usuario cu continuamente ta neglisha e terminonan di uzo di nos website tambe ta wordo blokea.

Unabes riba nos website, tur usuario automaticamente ta bay di acuerdo cu tur termino di privacidad y uzo.

Revision

Porfabor, tuma nota cu nos por revisa y haci cualkier cambio den e informacion den e texto aki, na cualkier momento. Check bek aki pa e ultimo version.

MFHC ta hinca tur esfuerso den pone contenido mas corecto cu ta posibel. Cambionan ta wordo haci continuamente pa mantene nos usuarionan na altanto di lo ultimo den e contenido cu tin riba nos website. Si abo ripara cu tin un eror den informacion of cualkier contenido inapropia, por fabor tuma contacto cu nos pa raporta esaki dibiaha.

E-mail: info@mentepositivo.com