Energia Universal

Fundado di Manking Enlightenment Love, Sr. Luong Minh Dang

Meditacion ta duna bo forsa pa por tin enfoke mental. Asina bo ta logra paz interno pa maneha tur situacion den bo bida.

KICO TA ENERGIA UNIVERSAL?

Energia Universal ta un programa di educacion spiritual den cual, na su nivelnan basico, ta siña bo un tecnica facil di meditacion pa kita stress y pa bo tin un mente calmo. Tambe bo ta siña con pa uza e energia cu tin rond di nos pa sanea bo mes y bo famia. Adicional, bo ta cuminsa siña tocante e filosofia di yuda otro yega na iluminacion door di uza sabiduria, duna amor y sinti compasion.

Na su nivelnan mas avansa, e curso di Energia Universal ta enfoka mas riba mantene un mente calmo, aplicacion den momento y yuda humanidad yega na un nivel mas halto di consciencia.

STICHTING MEL ARUBA

MEL Aruba ta afilia na Moreu Facilitation y hunto ta un partner oficial di e Facultad di Energia Universal y Humano® ("HUE Faculty, Inc.®"). Cu instructornan reconoci pa e Facultad di EUH®, nos ta ofrece e programa autentico y educacional di Energia Universal Humano di Mr. Loung Minh Dang®. E oficina principal di e Facultad di EUH® ta situa na St. Louis, Missouri, USA. 

E obhetivo principal ta pa yuda tur studiante y practicante di e programa educacional aki fortalese su estado mental pa e por maneha e situacionnan den bida mas miho, alivia su stress y mehora su concentracion pa asina logra di ta saludabel, ta feliz y desaroya su poder mental pa yuda su mes y yuda otro.

Actualmente, e Facultad di Energia Universal y Humano® ta hopi dinamico cu conferencianan internacional cu conexion via video cu paisnan den tur 5 continente y programanan di radio cu ta trata topiconan spiritual pa e publico. Bishita nos website di MEL Aruba pa mas informacion, nos calender di curso y mucho mas.

IMPROVE YOUR LIFE WITH A CALM MIND (Vu Tran, 2012 - 124pgs)

Si abo ta desea di haya un introduccion extenso, porfabor, considera di bestel e buki di "Improve Your Life With A Calm Mind" skirbi pa Vu Tran, e traductor primario di e fundado di e scol di Energia Universal, Sr. Luong Minh Dang. E buki ta obtenibel na Ingles, Spaño y Hulandes.

 ALERTA PA CONFUSION!

E Facultad di EUH, Inc.® kier informa cu actualmente tin websites y E-mails den circualcion cu por causa confusion cu locual ta trata nos programa autentico y educacional. Tur e partners y instructornan oficial no ta afilia den ningun manera na e websites y E-mails aki.