Radio Positivo

Aruba su prome y unico canal di radio online completamente positivo!

"FELIZ DIA"

Sintonisa nos di Dialuna pa Diabierna, 8or pa 9or di mainta LIVE riba nos radio online, nos mobile app di Mente Positivo y na Mega 88.1FM

Scoge pa cuminsa bo mainta diferente y yena bo hogar, bo auto of bo area di trabou cu inspiracion, motivacion y pensamentonan positivo. Inspiracion di topico ta bin di personanan cu a contribui nan sabiduria pa yuda eleva e nivel di consciencia den mundo henter, e.o. Padu Lampe, Deepak Chopra, Norman Vincent Peale, Rumi Balkhi, Eckhart Tolle, Krishnamurti, Gregg Braden, Nassim Haramein y mucho mucho mas.

E topiconan ta varia e.o. felicidad, suerte, amor di berdad, harmoniologia, con pa maneha cambio, imaginacion, con pa cultiva un actitud mental positivo, e poder di amor, con pa biba den abundancia, duna pa duna vs duna pa ricibi, e poder di pensamento, biba for di curason y mucho mas.

"Feliz Dia" ta wordo presenta pa Belquis Moreu y Sharon Alexander.

NOS SPONSORNAN

 

 

APORTE NA BO RESPONSABILIDAD SOCIAL

Si abo ta un compania of organisacion cu ta balora nos comunidad, considera na contribui den e desaroyo di nos hendenan local y asina mehora nos pais door di sostene nos Radio Positivo y e programa di "Feliz Dia". E proposito di Aruba su prome y unico Radio Positivo ta pa comparti, educa y hisa e nivel di consciencia di cada persona pa asina nos por uza ful nos potencial y capacidad mental pa ta saludabel di berdad. Asina nos ta crea un miho sociedad cu ta sinti na paz, ta feliz y ta biba un estilo di bida positivo.

E programacion di Radio Positivo ta pa tur edad, cu tur informacion den nos dushi idioma local, esta Papiamento. E programa ta interactivo, dinamico y ta ofrece cada oyente diferente tips, motivacion, y experencia personal pa nos tur sinja di dje. Pa mas informacion, porfabor, tuma contacto cu nos na 5889920 of manda nos un E-mail na info@mentepositivo.com.